International

میکسیکو میں دو گاڑیوں کے ٹکرانے سے 9 لوگوں کی موت

86views

میکسیکو کی جنوب مشرقی ریاست کوئنٹانرو میں پیر کی صبح ٹریکٹر ٹریلر اور مسافر وین کے ٹکرانے کے حادثے میں تین نابالغوں سمیت 9 افراد کی موت ہو گئی۔مقامی میڈیا نے بتایا کہ ریاست کوئنٹانرو کے اٹارنی جنرل کے دفتر کے بیان کے مطابق، فیڈرل ہائی وے 307 پر پیش آنے والے حادثے میں چھ افراد زخمی بھی ہوئے۔

حادثہ مقامی وقت کے مطابق صبح 4:00 بجے شاہراہ کے ریفارما اگریا-پورٹو جوریز سیکشن پر، ایکس-ہاجل چوراہے کے نزدیک پیش آیا۔ ٹریلر کے ڈرائیور سے گاڑی بے قابو ہوگئی تھی اور ٹریلر وین سے ٹکرا گیا۔مقامی میڈیا میں شائع ہونے والی ابتدائی اطلاعات کے مطابق وین میں فوری طور پر آگ لگ گئی، جبکہ ٹریلر کا ڈرائیور گاڑی کو جائے وقوعہ سے لے کر بھاگ گیا۔

کوئنٹانرو کے گورنر مارا لیزاما نے سوشل میڈیا پر ایک پوسٹ میں اس سانحے پر افسوس کا اظہار کرتے ہوئے گاڑی چلانے والوں سے انتہائی احتیاط برتنے کی اپیل کی، جبکہ ہائی وے کا وہ حصہ عارضی طور پر بند کر دیا گیا ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.