West Bengal

درگا پوجا کے تہوار میں خلل نہیں ڈالے گی بارش

33views

کولکاتا، 19 اکتوبر (ہ س)۔ مغربی بنگال کی تاریخی درگا پوجا شروع ہوچکی ہے۔ ایک دن پہلے بدھ کو چترتھی کی رات سے ہی لوگ سڑکوں پر نکل آئے تھے۔ آج پنچمی ہے اور آج بھی بڑی تعداد میں لوگ صبح سے ہی کولکاتا اور ریاست کے دیگر حصوں میں بنائے گئے عظیم الشان درگا پوجا پنڈالوں اور دیو ہیکل مورتیوں کو دیکھنے کے لیے باہر آ رہے ہیں۔ ایسے میں محکمہ موسمیات نے واضح کر دیا ہے کہ بارش درگا پوجا کے فیسٹیول میں خلل نہیں ڈالنے والی ہے۔مغربی بنگال میں پچھلے 10 دنوں سے بارش نہیں ہوئی ہے اور اس پورے ہفتے بارش کے امکانات نہیں ہیں۔ جمعرات کو کولکاتا میں کم سے کم درجہ حرارت 25.4 ڈگری سیلسیس ریکارڈ کیا گیا، جو معمول سے ایک ڈگری زیادہ ہے، جب کہ زیادہ سے زیادہ درجہ حرارت 32.6 ڈگری سیلسیس درج ہوا، جو کہ عام ہے۔ کولکاتا کے علاوہ ریاست کے دیگر حصوں بشمول ہاوڑہ، ہگلی، شمالی اور جنوبی 24 پرگنہ، مشرقی اور مغربی میدنی پور، پرولیا، بانکوڑا میں بارش نہیں ہوگی اور یہاں بھی موسم معمول پر رہے گا۔ شمالی بنگال کے علی پور دوار، کوچ بہار، جلپائی گوڑی، دارجلنگ اور کلمپونگ میں بارش کا کوئی امکان نہیں ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.