Jharkhand

ہیمنت سورین کو چچا کی آخری رسومات میں شرکت کی نہیں ملی اجازت، عدالت نے عبوری ضمانت دینے سے کیا انکار

148views

جھارکھنڈ کے سابق وزیر اعلیٰ ہیمنت سورین اپنے بڑے چچا راجہ رام سورین کی آخری رسومات اور شرادھ میں شامل نہیں ہو پائیں گے۔ پی ایم ایل اے کورٹ نے عبوری ضمانت سے متعلق ان کی عرضی کو نامنظور کر دیا ہے۔ ہیمنت سورین نے اپنے چچا کی آخری رسومات میں شامل ہونے کے لیے عدالت سے 13 دنوں کی عبوری ضمانت مانگی تھی، جس پر آج سماعت کرتے ہوئے عدالت نے انھیں ضمانت دینے سے منع کر دیا۔

قابل ذکر ہے کہ ہیمنت سورین کے چچا اور جے ایم ایم چیف شیبو سورین کے بڑے بھائی راجہ رام سورین کا ہفتہ کی صبح رانچی واقع ان کی رہائش پر انتقال ہو گیا تھا۔ راجہ رام سورین طویل مدت سے بیمار تھے اور ان کی آخری رسومات غالباً رام گڑھ ضلع واقع ان کے آبائی گاؤں نیمرا میں ہوگی۔ اس وقت ہیمنت سورین اراضی گھوٹالہ معاملے میں جیل میں بند ہیں اور ان کی خواہش تھی کہ وہ چچا کی آخری رسومات میں شامل ہوں۔

خبر رساں ایجنسی آئی اے این ایس کی ایک رپورٹ کے مطابق سابق وزیر اعلیٰ ہیمنت سورین نے آج ہی عدالت میں عبوری ضمانت کے لیے عرضی داخل کی تھی جس میں کہا تھا کہ ان کے چچا راجہ رام سورین کا 27 اپریل کی صبح انتقال ہو گیا ہے۔ اس کو پیش نظر رکھتے ہوئے انھیں آخری رسومات اور شرادھ میں حصہ لینے کی اجازت دی جائے۔ اس کے لیے انھوں نے 13 دنوں کی عبوری ضمانت کی اپیل کی تھی۔ حالانکہ عدالت نے اس عرضی کو منظور کرنے سے انکار کر دیا۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.