فرانس اور برطانیہ نے اتوار کے روز اسرائیل پر ایرانی ڈرون اور میزائل حملوں کی مذمت کرتے ہوئے یہودی ریاست کے ساتھ اپنی یکجہتی کا اظہار کیا ۔فرانس کے وزیر خارجہ اسٹیفن سیجورن نے سوشل میڈیا پر کہا کہ “فرانس ایران کی طرف سے اسرائیل کے خلاف شروع کیے گئے حملے کی سخت ترین الفاظ میں مذمت کرتا ہے۔”
سیجورن نے بڑے پیمانے پر حملے کو حیرت انگیز اور خطے کو غیر مستحکم کرنے والا اقدام قرار دیا جس سے فوجی کشیدگی میں اضافے کا خطرہ ہے۔ انہوں نے کہا کہ فرانس اسرائیل کی سلامتی کے لیے اپنے عزم کا اعادہ کرتا ہے اور اسے اپنی یکجہتی کا یقین دلاتا ہے۔
برطانوی وزیر اعظم رشی سنک نے اسرائیل کے ساتھ ساتھ اردن، عراق اور خطے کے دیگر شراکت داروں کی سلامتی کے لیے کھڑے ہونے کے عزم کا اعادہ کیا۔رشی سنک نے کہا کہ “میں اسرائیل کے خلاف ایرانی حکومت کے لاپرواہ حملے کی سخت ترین الفاظ میں مذمت کرتا ہوں۔ “ایران نے ایک بار پھر ظاہر کیا ہے کہ وہ اپنے ہی گھر میں افراتفری پھیلانے کا ارادہ رکھتا ہے۔”
مصری وزارت خارجہ نے کہا کہ مصر کو مشرق وسطیٰ میں بڑھتی ہوئی کشیدگی پر بھی تشویش ہے اور اس نے زیادہ سے زیادہ تحمل سے کام لینے پر زور دیا۔
