Sports

ایشین گیمز بیڈمنٹن: پی وی سندھو اور ایچ ایس پرنے سنگلز پری کوارٹر فائنل میں داخل

166views

ہانگژو، 3 اکتوبر ( ہ س)۔ ہندوستان کے اسٹار شٹلر ایچ ایس پرنے اور پی وی سندھو نے منگل کو یہاں ایشین گیمز کے بیڈمنٹن مقابلے میں اپنے اپنے حریفوں پر سیدھے گیم میں جیت کے ساتھ مردوں اور خواتین کے سنگلز پری کوارٹر فائنل میں داخلہ لیا۔کمر کی چوٹ کی وجہ سے چین کے خلاف مردوں کی ٹیم چیمپئن شپ کے فائنل سے باہر ہونے والے عالمی نمبر سات پرنے کورٹ پر واپس آئے اور شاندار کارکردگی کا مظاہرہ کرتے ہوئے منگولیا کے بٹداوا منکھبٹ کو 25 منٹ تک جاری رہنے والے میچ میں 21-9، 21-12 سے شکست دی۔اگلے راونڈ میں ان کا مقابلہ اردن کے بہادین احمد الشانیک یا قازقستان کے دمتری پنارین سے ہوگا۔سابق عالمی چیمپئن سندھو بھی اچھی فارم میں نظر آرہی ہیں اور انہوں نے عالمی نمبر 21 چینی تائپے کی وی چی سو کو 21-10، 21-15 سے شکست دی۔سندھونے آخری اور واحد مرتبہ اس ماہ کے شروع میں دبئی میں ایشیا بیڈمنٹن چیمپئن شپ میںسو کے خلاف کھیلا تھا۔ اگلے راونڈ میں سندھو کا مقابلہ انڈونیشیا کی پتری کسوما وردانی یا ہانگ کانگ کی لیانگ کا ونگ سے ہوگا۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.