CricketSports

وراٹ کوہلی کو احمد آباد میں ملی دھمکی، بنگلورو نے پریکٹس میچ اور پریس کانفرنس کیا رَد، 4 افراد گرفتار

228views

آج آئی پی ایل 2024 کا ایلیمنیٹر میچ کھیلا جانا ہے، لیکن اس سے ٹھیک پہلے وراٹ کوہلی کو احمد آباد میں دھمکی ملی جس کی وجہ سے آر سی بی (رائل چیلنجرس بنگلورو) نے اپنا واحد پریکٹس میچ رد کر دیا۔ اس کے علاوہ میچ سے پہلے ہونے والی پریس کانفرنس کو بھی منسوخ کر دیا گیا۔ اس بات کا انکشاف ایک رپورٹ میں ہوا ہے۔

دراصل ’آنند بازار پتریکا‘ کی ایک رپورٹ میں بتایا گیا ہے کہ وراٹ کوہلی کو دھمکی ملی تھی جس کی وجہ سے آر سی بی نے پریکٹس میچ اور پریس کانفرنس کو رد کر دیا۔ جانکاری کے مطابق گجرات پولیس نے پیر کی شب کو احمد آباد ایئرپورٹ سے 4 مشتبہ افراد کو گرفتار بھی کیا ہے۔ حالانکہ اب تک دونوں ٹیموں کی طرف سے اس معاملے میں کوئی آفیشیل بیان نہیں آیا ہے۔

اس معاملے میں پولیس افسر وجئے سنگھ جوالا نے کہا کہ ’’احمد آباد پہنچنے کے بعد وراٹ کوہلی کو گرفتاریوں کے بارے میں پتہ چلا۔ ان کی سیکورٹی ہماری اعلیٰ ترجیحات میں شامل ہے۔ آر سی بی مینجمنٹ جوکھم نہیں لینا چاہتا تھا۔ انھوں نے ہمیں مطلع کیا کہ کوئی پریکٹس سیشن نہیں ہوگا۔ راجستھان رائلس کو بھی اس کے بارے میں جانکاری دے دی گئی تھی، لیکن انھیں اپنے پریکٹس کو آگے بڑھانے میں کوئی مسئلہ دکھائی نہیں دیا۔‘‘

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.