جمشید پور، 10 اکتوبر (ہ س)۔ سیتارا مڈیرا تھانہ علاقہ کے اوراوں بستی میں واقع درگا ساہو کے گھر کے باہر فائرنگ کرکے بھاگ رہے بدمعاشوں میں سے ایک زخمی ہوگیا۔ زخمی حالت میں گولموری تھانہ علاقہ واقع 24 سندھی رفیوجی کالونی ساکن مونی موہنتی عرف چترنجن موہنتی کو پولیس پکڑ کر ایم جی ایم اسپال میں داخل کروایا، جہاں اس کا علاج چل رہا ہے۔ موقع سے پولیس نے ایک لوڈیڈ دیسی پستول، موٹر سائیکل اور کھوکھا برآمد کیا ہے۔ پولیس کے مطابق پیر کی دیر رات اوراوں بستی میں درگا ساہو کے گھر کے باہر فائرنگ کی واردات کی اطلاع ملی۔ وہیں واردات کو انجام دینے کے بعد، موٹر سائیکل پر سوار بدمعاش فرار ہونے کی کوشش میں گر کر زخمی ہو گیا، جسے پولیس نے پکڑ لیا اور زخمی حالت میں ایم جی ایم میں داخل کرایا۔ پولیس نے کیس درج کرلیا ہے۔ واردات میں ملوث دیگر دو ملزمان کی گرفتاری کے لیے چھاپے مارے جا رہے ہیں۔
