Bihar

پٹنہ میں کوڑے کے ڈمپنگ یارڈ میں لگی آگ، پوراعلاقہ آلودگی سے بھرا، سانس لینا ہوا دشوار

92views

پٹنہ، 14 نومبر :۔ راجدھانی پٹنہ سے متصل بہٹا میونسپل کونسل انتظامیہ کی بڑی لاپرواہی سامنے آئی ہے۔ یہاں کل دیر شام بازار کے بیچوں بیچ سٹی کونسل انتظامیہ کی طرف سے بنائے گئے کوڑا ڈمپنگ گرائونڈ میں اچانک زبردست آگ لگ گئی۔ آگ لگنے سے پورا کوڑا چند منٹوں میں جل کر خاکستر ہو گیا۔ کوڑا جلانے کے بعد پورا علاقہ آلودگی سے بھر گیا اور زہریلے دھویں کی وجہ سے لوگوں کا سانس لینا مشکل ہو گیا۔ واقعہ کی اطلاع ملتے ہی مقامی لوگوں نے فوری طور پر فائر ڈیپارٹمنٹ اور مقامی پولیس کو اطلاع دی۔ اطلاع ملتے ہی فائر بریگیڈ کی کئی گاڑیاں موقع پر پہنچ گئیں اور گھنٹوں کی محنت کے بعد آگ پر قابو پالیا گیا حالانکہ اب پورے علاقے میں کوڑے کے ڈھیر پھیل چکے ہیں۔ مقامی لوگوں کو اب خدشہ ہے کہ کوڑے کی آلودگی سے بیماری پھیل سکتی ہے۔
مقامی لوگوں نے الزام عائد کیا کہ بہٹا میونسپل کونسل علاقہ میں بہٹا مین مارکیٹ کے نزدیک ٹی پی ہائی اسکول کے نزدیک میونسپل کونسل نے کوڑا ڈمپنگ یارڈ کو آگ لگائی۔ آگ لگنے کے بعد نکلنے والے زہریلے دھوئیں کی وجہ سے لوگوں کو اچانک سانس لینے میں دشواری ہونے لگی جس کے بعد گاو?ں والوں کی شکایت پر جے سی بی مشین اور فائر بریگیڈ کی ٹیم نے آگ پر قابو پالیا۔
بتایا جاتا ہے کہ میونسپل کونسل کی جانب سے ہائی اسکول کی حدود کے قریب ڈمپنگ یارڈ کی تعمیر کے باعث کچرے سے اٹھنے والی بدبو سے طلبا اور اساتذہ کو شدید پریشانی کا سامنا کرنا پڑ رہا ہے۔ یہاں کے لوگوں نے بارہا کچرا ڈمپنگ یارڈ کو یہاں سے ہٹانے کا مطالبہ کیا ہے۔ شکایت کے باوجود کوئی کارروائی نہیں کی گئی۔ اب اس واقعے کے بعد لوگوں میں ناراضگی ہے۔
ادھراس واقعہ کے سلسلے میں میونسپل کونسل کے ایگزیکٹو آفیسر سنیل کمار سنگھ سے بات کرنے کی کوشش کی گئی تو ان کا موبائل بند تھا۔ لوگوں کا کہنا ہے کہ سٹی کونسل انتظامیہ سے بات کی جائے تو وہ کوئی جواب نہیں دیتے۔ انہوں نے کہا کہ ایک طرف میونسپل کونسل میں کروڑوں کا گھو ٹالہ جاری ہے اور اب کوڑا ڈمپنگ یارڈ میں آگ لگنے سے ان کا جینا مشکل ہو گیا ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.