Sports

وراٹ کوہلی اور انوشکا شرما کے گھر آیا ننھا مہمان، رکھا گیا بہت دلچسپ نام

145views

ہندوستان کے مایہ ناز کرکٹر وراٹ کوہلی اور بالی ووڈ کی مشہور اداکارہ انوشکا شرما کے گھر میں ننھا مہمان آیا ہے۔ دلچسپ بات یہ ہے کہ دونوں کے گھر بیٹے کی پیدائش آج سے پانچ روز قبل یعنی 15 فروری کو ہوئی، لیکن اس کی خبر اب مل رہی ہے۔ وراٹ کوہلی نے آج سوشل میڈیا پلیٹ فارم انسٹاگرام پر پوسٹ کر یہ خوشخبری اپنے چاہنے والوں کو دی۔ کوہلی نے اس پوسٹ میں اپنے بیٹے کا نام بھی ظاہر کیا ہے جو کہ بہت دلچسپ ہے۔ انھوں نے اپنے بیٹے کا نام ’اکائے‘ رکھا ہے۔

وراٹ کوہلی نے اپنے انسٹاگرام پوسٹ میں لکھا ہے ’’ہمیں یہ بتاتے ہوئے بے انتہا خوشی ہو رہی ہے کہ 15 کو ہم نے اپنے بیٹے اور وامیکا کے چھوٹے بھائی ’اکائے‘ کا اس دنیا میں استقبال کیا ہے۔ ہم اپنی زندگی کے اس خوبصورت وقت میں آپ کی دعا اور نیک خواہشات چاہتے ہیں۔ ہم آپ سے گزارش کرتے ہیں کہ ہماری رازداری کا احترام کریں۔‘‘

’اسمبلی تحلیل کرنا چاہتے ہیں نتیش کمار‘، تیجسوی یادو کا سنسنی خیز دعویٰ

اس پوسٹ کے بعد وراٹ کوہلی اور انوشکا شرما کو مبارکبادیاں ملنی شروع ہو گئیں جس کا سلسلہ دراز ہوتا جا رہا ہے۔ کئی مشہور ہستیوں نے دونوں کو مبارکبادیاں پیش کی ہیں۔ قابل ذکر ہے کہ کوہلی اور انوشکا نے 2017 میں شادی کی تھی۔ دونوں کے گھر 2021 میں خوبصورت بیٹی نے جم لیا تھا جس کا نام وامیکا رکھا گیا تھا۔ اب بیٹے کی پیدائش کے بعد اس گھر میں خوشیوں کا ماحول ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.