National

’مودی پر بھروسہ ’وشواس گھات‘ کی گارنٹی ہے‘، پی ایم مودی پر راہل گاندھی کا سخت حملہ

39views

بھارت جوڑو نیائے یاترا کے مدھیہ پردیش کے گوالیار پہنچنے پر کانگریس لیڈر راہل گاندھی نے وزیر اعظم مودی پر سخت حملہ کیا۔ انہوں نے ’ایکس‘ پر پوسٹ کرتے ہوئے لکھا ہے کہ ’’ہوائی چپل والوں کو ہوائی جہاز کے سفر کا خواب دکھا کر نریندر مودی غریبوں کی سواری ٹرین کو بھی ان سے دور کر تے جا رہے ہیں۔ ہر سال 10 فیصد بڑھتا کرایہ، ڈائنیمک فیئر کے نام پر لوٹ، بڑھتے ہوئے کینسلیشن چارجس اور مہنگے پلیٹ فارم ٹکٹ کے درمیان لوگوں کو ایک ایسی ’الیٹ ٹرین‘ کی تصویر دکھا کر بہلایا جا رہا ہے جس پر غریب پاؤں تک نہیں رکھ سکتا۔

بانسوری سوراج کے راستے میں نئی دہلی سیٹ سے کیا ہیں مشکلیں

راہل گاندھی نے مزید کہا ہے  کہ ’’سینئر سٹیزن (معمر شہریوں) تک سے ان کو ملنے والی رعایت چھین کر گزشتہ 3 سالوں میں حکومت ان سے 3700 کروڑ روپئے کی وصولی کر چکی ہے۔ پرچار کے لیے منتخب ٹرین کوگزارنے کے لیے عام آدمی کی ٹرینوں کو کسی بھی جگہ کھڑا کر دیا جاتا ہے۔ غریب اور اوسط طبقے کے لوگ ریل کی ترجیح سے باہر کر دیئے گئے ہیں۔‘‘

‘हवाई चप्पल’ वालों को हवाई जहाज की यात्रा का सपना दिखा, नरेंद्र मोदी ‘गरीबों की सवारी’ रेलवे को भी उनसे दूर करते जा रहे हैं।

हर साल 10% बढ़ता किराया, डायनामिक फेयर के नाम पर लूट, बढ़ते कैंसलेशन चार्जेस और महंगे प्लेटफार्म टिकट के बीच लोगों को एक ऐसी ‘एलीट ट्रेन’ की तस्वीर दिखाकर…

— Rahul Gandhi (@RahulGandhi) March 3, 2024

راہل گاندھی نے گوالیار میں کہا کہ اے سی کوچیس کی تعداد بڑھانے کے لیے جنرل کوچوں کی تعداد کم کی جا رہی ہے، جس میں نہ صرف مزدور اور کسان بلکہ طلبہ اور ملازمت پیشہ لوگ بھی سفر کرتے ہیں۔ اے سی کوچس کی تیاری بھی عام کوچس کے مقابلے 3 گنا زپادہ کر دی گئی ہے۔ دراصل ریل بجٹ کو الگ سے پیش کرنے کی روایت کو ختم کرنا انہیں ’کارناموں‘ کو چھپانے کی سازش تھی۔ صرف امیروں کو پیشِ نظر رکھ کر بنائی جا رہی ریلوے کی پالیسیاں ریل پر منحصر ہندوستان کی 80 فیصد آبادی کے ساتھ دھوکہ ہے۔ مودی پر بھروسہ وشواش گھات کی گارنٹی ہے۔‘‘

حکومت نے امبانی کے بیٹے کی شادی کے لیے ہوائی اڈے کو بین الاقوامی درجہ دیا: کانگریس

اس موقع پر راہل گاندھی نے بڑھتی ہوئی بے روزگاری کا معاملہ بھی اٹھایا۔ راہل نے کہا کہ ہندوستان میں پاکستان کے مقابلے میں دو گنی بے روزگاری ہے۔ بنگلہ دیش اور بھوٹان سے بھی زیادہ ہندوستان میں بے روزگاری ہے۔ اس ملک میں جو نفرت پھیل رہی ہے اس کی وجہ ملک میں ناانصافی اور بڑھتی ہوئی بے روزگاری ہے۔

Follow us on Google News