Madhya PradeshNational

بھوپال میں ہوا میٹرو ٹرین کا ٹرائل رن، وزیر اعلیٰ نے دکھائی ہری جھنڈی

43views

بھوپال، 3 اکتوبر (ہ س)۔ مدھیہ پردیش کے دارالحکومت بھوپال میں منگل کو میٹرو ٹرین کا ٹرائل رن شروع ہوا۔ وزیر اعلیٰ شیوراج سنگھ چوہان نے یہاں سبھاش نگر ڈپو سے میٹرو کو ہری جھنڈی دکھا کر ٹرائل کا افتتاح کیا۔ اس کے بعد انہوں نے سبھاش نگر سے رانی کملا پتی اسٹیشن تک میٹرو کا سفر بھی کیا۔ اس دوران میٹرو کی ٹیکنیکل ٹیم اور حکام بھی ساتھ رہے۔ اس موقع پر وزیر اعلیٰ نے کہا کہ ہم بھوپال سے منڈیپ، بھوپال سے سیہور اور بھوپال سے ودیشا تک میٹرو لے جائیں گے۔ انہوں نے بھوپال کے لوگوں کو میٹرو کے لیے دلی مبارکباد دی اور نیک خواہشات کا اظہار کیا۔ سبھاش نگر ڈپو میں منعقدہ عظیم الشان پروگرام سے خطاب کرتے ہوئے وزیر اعلیٰ چوہان نے کہا کہ بھوپال میٹرو نے نقل و حمل میں انقلاب لایا ہے۔ ہم میٹرو سے جھیلوں کے اپنے شہر کو دیکھنے کی خوشی سے لطف اندوز ہوں گے۔ مجھے یہ بتاتے ہوئے خوشی ہو رہی ہے کہ بھوپال نے گھوڑا گاڑی سے اپنا سفر شروع کیا تھا اور آج یہ سفر میٹرو ٹرین تک پہنچ گیا ہے۔ بھوپال میں جس رفتار سے میٹرو کا کام ہوا ہے اس کے لیے میں پوری ٹیم کو تہہ دل سے مبارکباد دیتا ہوں۔ اب یہ میٹرو عدم مساوات کی خلیج کو بھی پْر کرے گی۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.