International

روس: ولادمیر پوتن نے پانچویں مرتبہ صدارتی عہدہ کا لیا حلف، برطانیہ اور کناڈا سمیت کئی ممالک نے کیا بائیکاٹ

75views

روسی صدر ولادمیر پوتن نے 7 مئی (منگل) کو ایک بار پھر کریملن میں اپنے عہدہ اور رازداری کا حلف لے لیا۔ انھیں روسی عوام نے مزید 5 سال کے لیے صدر منتخب کیا ہے جس کے بعد ان کے پانچویں مرتبہ اس عہدہ کا حلف لینے کا شرف حاصل ہوا۔ حالانکہ اس حلف برداری تقریب کا کئی ممالک نے بائیکاٹ کر دیا ہے۔

میڈیا رپورٹس کے مطابق یوکرین پر روس کے ذریعہ جاری حملے کو پیش نظر رکھتے ہوئے امریکہ، برطانیہ اور کناڈا سمیت کئی دیگر مغربی ممالک نے ولادمیر پوتن کی حلف برداری تقریب کا بائیکاٹ کیا ہے۔ روس-یوکرین جنگ معاملے پر پہلے سے ہی کئی ممالک نے روس کے خلاف ناراضگی کا اظہار کیا ہے، لیکن روسی صدر پوتن اس معاملے میں اپنا قدم کسی بھی طرح پیچھے کھینچنے کو تیار نہیں ہیں۔ یہی وجہ ہے کہ ان کے خلاف کچھ ممالک کی ناراضگی دن بہ دن بڑھتی ہی جا رہی ہے۔

بہرحال، پوتن نے 2000 میں پہلی مرتبہ صدارتی عہدہ کا حلف لیا تھا۔ اس کے بعد انھوں نے 2006، 2012 اور 2018 میں بھی وہ روس کے صدر منتخب ہوئے تھے۔ اب 2024 میں انھوں نے پانچویں بار اس عہدہ کا حلف لیا۔ بتایا جا رہا ہے کہ ماسکو کے گرینڈ کریملن پیلس میں پوتن نے 33 لفظوں میں اپنی حلف برداری مکمل کر لی۔ یہ وہی جگہ ہے جہاں روس کے جار کنبہ کے 3 بادشاہوں (الیکزنڈر 2، الیکزنڈر 3 اور نکولس 2) کی تاجپوشی ہوئی تھی۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.