JharkhandRanchi

جھارکھنڈ کے وزیراعلیٰ نے چھٹھ کی تیاریوں کا جائزہ لیا

98views

جدید بھارت نیوز سروس
رانچی، 17 نومبر:۔ وزیر اعلیٰ ہیمنت سورین نے تمام چھٹھ گھاٹوں پر عقیدت مندوں کی سہولت اور سیکورٹی کے لیے مناسب انتظامات کرنے کی ہدایت دی ہے۔ وزیراعلیٰ نے جمعہ کو رانچی میں کانکے ڈیم اور ہٹنیا تالاب میں چھٹھ گھاٹ کی صفائی، حفاظت اور دیگر انتظامات کا معائنہ کرنے کے بعد افسران کو یہ ہدایت دی۔ وزیر اعلیٰ نے ندیوں، تالابوں، ڈیموں اور دیگر آبی ذخائر میں پانی کی سطح اور گہرائی والے مقامات کی نشاندہی کرنے اور وہاں خصوصی حفاظتی انتظامات کرنے کو کہا ہے۔ اس کے علاوہ انہیں تمام گھاٹوں پر بجلی کا انتظام کرنے کو بھی کہا گیا ہے۔ وزیراعلیٰ نے عہدیداروں سے کہا کہ چھٹھ گھاٹوں پر روزہ داروں اور عقیدت مندوں کو مکمل سہولتیں ملنی چاہئیں۔ ہر قیمت پر یقینی بنائیں کہ انہیں کسی قسم کی پریشانی کا سامنا نہ کرنا پڑے۔چیف منسٹر کے معائنہ کے دوران ان کے سکریٹری ونے کمار چوبے، ایس ایس پی چندن کمار سنہا اور رانچی میونسپل کارپوریشن کے ایڈمنسٹریٹر امیت کمار موجود تھے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.