Bihar

بگھامیں دیوالی کی رات درجنوں دکانوں میں لگی آگ ، سلنڈر پھٹنے سے صورتحال خوفناک

108views

بگھا، 13 نومبر:۔ بہار کے بگھامیں آگ لگنے سے تقریباً ایک درجن دکانیں جل کر خاکستر ہوگئیں۔ یہ واقعہ بگھا ریلوے ڈھالہ کے قریب نارائن پور روڈ پر پیش آیا۔ اس آگ میں فرنیچر کی چار دکانیں اور دیگر کئی دکانیں جل گئیں۔ جس میں لاکھوں کے نقصان ہونے کا امکان ہے۔ دیوالی کی رات 11 بجے لگی آگ نے کچھ ہی دیر میں خوفناک شکل اختیار کر لی۔ آگ لگنے کے بعد سلنڈر دھماکہ بھی ہوا جس سے آگ تیزی سے پھیل گئی اور درجنوں دکانیں متاثر ہوئیں۔بتایا جا رہا ہے کہ چار فرنیچر کی دکانیں اور ایک پھل کا گودام جل کر خاکستر ہو گیا۔ یہ واقعہ پٹکھولی تھانہ علاقہ کے نارائن پور بھٹی روڈ پر پیش آیا۔ اطلاع ملتے ہی فائر بریگیڈ کی ٹیم نے موقع پر پہنچ کر کافی جدوجہد کے بعد آگ پر قابو پالیا۔ ایس ڈی پی او کی قیادت میں پولیس ٹیم بھی موقع پر پہنچ گئی لیکن انہیں دکانداروں کے غصے کا سامنا کرنا پڑا۔ رام نگر میں پیش آئے دوسرے واقعہ میں اناج کے ڈھیر کے ساتھ ایک جھونپڑی بھی جل کر راکھ ہو گئی۔ یہ واقعہ سپاہی گاو?ں میں پیش ا?یا جہاں دیوالی کے موقع پر آتش بازی کے دوران اچانک گھر کے قریب گودام میں رکھے دھان کیبورے میں آگ لگ گئی اور سینکڑوں دھان کے بورے جل کر راکھ ہو گئے۔ متاثرہ خاندانوں نے امداد اور معاوضے کا مطالبہ کیا ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.