National

ہماچل میں پارٹی کے رہنماؤں سے ملاقات کی، ان پر فخر ہے: پرینکا گاندھی

76views

شملہ: کانگریس لیڈر پرینکا گاندھی واڈرا نے اتوار کو کہا کہ انہوں نے ہماچل پردیش میں پارٹی کے تمام رہنماؤں سے ملاقات کی اور ان کے اتحاد، محنت اور مضبوطی سے الیکشن لڑنے کے جذبے اور عوام کے تئیں ان کی وابستگی پر انہیں فخر ہے۔

پرینکا گاندھی نے ایکس پر لکھا، ’’ایک جانب بی جی پی کا خوف، لالچ اور جھوٹ کا سامراج ہے۔ دولت کی طاقت اور ایجنسیوں کے ذریعے اقتدار کے لیے جمہوریت کو ختم کرنے والی سیاست ہے۔ دوسری جانب کانگریس کے پاس سچائی، ہمت اور تحمل کے ساتھ عوام کے لیے انتھک محنت کرنے کا عزم ہے۔‘‘

یہ کہتے ہوئے کہ انہیں پورا یقین ہے کہ لوگ کانگریس کی حمایت کریں گے، انہوں نے کہا، ’’جیت سچائی کی ہوگی۔ جے ہماچل۔ جے ہند۔‘‘

خیال رہے کہ بی جے پی نے چار لوک سبھا سیٹوں کے ساتھ ساتھ یکم جون کو ہونے والے اسمبلی کے ضمنی انتخابات کے لیے کانگریس کے تمام چھ باغیوں کو ٹکٹ دیا ہے، جنہوں نے راجیہ سبھا انتخابات میں بھگوا پارٹی کے امیدوار کے حق میں ووٹ دیا تھا۔

بی جے پی نے دھرمشالہ سے سدھیر شرما، سجان پور سے راجندر رانا، لاہول اسپیتی سے روی ٹھاکر، بڑسر سے اندر دت لکھن پال، گگریٹ سے چیتنیا شرما اور کٹلہڑ سے دیوندر بھٹو کو امیدوار قرار دیا ہے۔

ریاست کا بجٹ منظور کرنے وقت پارٹی کے وہپ کی خلاف ورزی کرنے والے ارکان اسمبلی کو نااہل قرار دئے جانے کے بعد یہ سیٹیں خالی ہو گئی تھیں۔ وزیر اعلیٰ سکھوندر سنگھ سکھو نے کہا کہ وہ اپنے خلاف رچی جا رہی سازشوں سے خوفزدہ نہیں ہیں۔ انہوں نے بی جے پی ہر منتخب حکومت کو غیر مستحکم کرنے کی کوشش کرنے کا الزام عائد کیا۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.