International

انقرہ میں وزارت داخلہ کی عمارت کے سامنے خودکش بمبار کا دھماکہ

128views

انقرہ،یکم اکتوبر(ہ س)۔ترک وزارت داخلہ کے مطابق دارالحکومت انقرہ میں وزارت کی عمارت کے سامنے ایک خودکش بمبار نے اتوار کی صبح خود کو دھماکے سے اڑا لیا، دھماکے کے نتیجے میں کئی پولیس اہلکار زخمی ہونے کی اطلاعات ہیں۔ترک وزیر علی یرلیکایا کے مطابق وزارت داخلہ کی عمارت کے سامنے ہونے والے بم دھماکے میں دو افراد ملوث تھے۔ ایک خودکش بمبار نے خود کو دھماکے سے اڑایا جبکہ دوسرے پر وہاں موجود پولیس اہلکاروں نے قابو پر کر اس کے پاس موجود دھماکہ خیز مواد غیر مؤثر بنا دیا۔خبر رساں ادارے اے ایف پی نے ترک میڈیا کے حوالے سے رپورٹ کیا کہ علاقے میں گولیوں کی گھن گرج بھی سنی گئی جس کے بعد ایمرجنسی سروسز نے علاقے کی جانب رخ کر لیا تاکہ کسی ناخوشگوار واقعے سے نمٹا جا سکے۔یہ واقعہ تب رپورٹ ہوا جب اتوار کو ترک پارلیمان کا نیا سیشن شروع ہونا تھا۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.