National

نیوز کلک کے بانی کی گرفتاری کو چیلنج کرنے پر دہلی پولیس کو سپریم کورٹ کا نوٹس

Supreme Court of India
Supreme Court of India
55views

نئی دہلی، 19 اکتوبر :۔ سپریم کورٹ نے نیوز کلک کے بانی پربیر پورکایستھ اور ایچ آر ہیڈ امت چکرورتی کی جانب سے اپنی گرفتاری کو چیلنج کرنے والی عرضی پر سماعت کرتے ہوئے دہلی پولیس کو نوٹس جاری کیا ہے۔ عدالت نے کیس کی اگلی سماعت 30 اکتوبر کو کرنے کی ہدایت کی۔ 13 اکتوبر کو دہلی ہائی کورٹ نے پربیر پورکایستھ اور امت چکرورتی کی گرفتاری کو چیلنج کرنے والی عرضی کو مسترد کر دیا تھا۔ ہائی کورٹ نے کہا تھا کہ درخواست بے بنیاد ہے۔ پربیر پورکایستھ اور امت چکرورتی کو دہلی پولیس نے 3 اکتوبر کو نیویارک ٹائمز میں شائع ہونے والی ایک خبر کی بنیاد پرگرفتار کیا تھا۔ نیویارک ٹائمز میں یہ خبر شائع ہوئی تھی کہ نیوز کلک کو چینی پروپیگنڈے کو فروغ دینے کے لیے رقم موصول ہوئی ہے۔ خبرکے مطابق امریکی کروڑ پتی نیویل رائے سنگھم نے چینی پروپیگنڈے کو فروغ دینے کے لیے نیوز کلک کو رقم دی۔ اس معاملے میں 3 اکتوبر کو کئی صحافیوں، یوٹیوبرز اور کارٹونسٹ کے گھروں پر چھاپے مارے گئے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.