لیونل میسی کا ایک اور عالمی ریکارڈ

انٹر میامی کی ٹورنٹو ایف سی کے خلاف شاندار فتح

ٹورنٹو (کینیڈا)، 10 مئی (یواین آئی )فٹ بال کی دنیا کے بے تاج بادشاہ لیونل میسی نے ایک بار پھر ثابت کر دیا کہ عمر محض ایک ہندسہ ہے۔ کینیڈا کے شہر ٹورنٹو میں کھیلے گئے ایم ایل ایس کے اہم مقابلے میں میسی نے ایک گول اسکور کرنے کے ساتھ ساتھ دو گول کرنے میں مدد (Assists) بھی فراہم کی، جس کی بدولت انٹر میامی نے میزبان ٹیم کو 4-2 سے پچھاڑ دیا۔میچ کے پہلے ہاف میں ارجنٹائن کے روڈریگو ڈی پال نے شاندار والی گول کر کے میامی کو برتری دلائی۔ سواریز اور میسی کی کیمسٹری: 56ویں منٹ میں میسی کے بہترین پاس پر لوئس سواریز نے دوسرا گول کر کے برتری مستحکم کی۔ 75ویں منٹ میں میسی نے خود گیند کو جال کی راہ دکھا کر اسکور 4-0 کر دیا۔ ٹورنٹو کے ایمیلیو ارسٹیزابال نے آخری لمحات میں دو گول کر کے مقابلہ دلچسپ بنایا، لیکن وہ میامی کی جیت کو نہ روک سکے۔اس میچ کے دوران 38 سالہ لیونل میسی نے ایم ایل ایس کی تاریخ کا ایک بڑا ریکارڈ اپنے نام کر لیا:تیز ترین 100 گول کنٹری بیوشنز: میسی نے محض 64 میچوں میں 100 گولز میں اپنا حصہ (59 گول اور 41 اسسٹس) ڈال کر سباسٹین جیووینکو کا ریکارڈ توڑ دیا، جنہوں نے یہ سنگ میل 95 میچوں میں عبور کیا تھا۔ یہ کارکردگی میامی کیلئےتو اہم ہے ہی، لیکن ارجنٹائن کے مداحوں کیلئےبھی بڑی خوشخبری ہے، کیونکہ لیونل میسی ایک ماہ بعد شروع ہونے والے فٹ بال ورلڈ کپ 2026 میں اپنی ٹیم کے ٹائٹل کا دفاع کرنے کیلئےبھرپور فارم میں نظر آ رہے ہیں۔ اس فتح کے ساتھ ہی انٹر میامی ایسٹرن کانفرنس میں ٹاپ پوزیشن پر موجود ‘ناش ول‘ سے محض ایک پوائنٹ کے فاصلے پر رہ گئی ہے۔