نئی دہلی، 25 دسمبر (ہ س)۔ افغانستان کے اسٹار کھلاڑی راشد خان ذاتی وجوہات کی بنا پر زمبابوے کے خلاف دو میچوں کی سیریز کے ابتدائی ٹیسٹ سے باہر ہو گئے ہیں۔ 26 سالہ راشد کمر کی انجری کے بعد اپنے ڈاکٹر کے مشورے پر ریڈ بال کرکٹ سے دور تھے اور اس کے بعد نیوزی لینڈ کے خلاف ٹیسٹ سیریز سے باہر ہو گئے۔بعد ازاں افغانستان کرکٹ بورڈ (اے سی بی) نے اعلان کیا کہ وہ نومبر تک ٹیسٹ کرکٹ سے دور رہیں گے اور شبہات تھے کہ وہ زمبابوے کے دورے کے لیے ٹیسٹ ٹیم میں جگہ بنا پائیں گے یا نہیں۔ حالانکہ راشد کو بالآخر بلاوایو کے کوئنز اسپورٹس کلب میں 26 دسمبر سے شروع ہونے والی سیریز کے لیے 18 رکنی ٹیم میں شامل کیا گیا ہے۔ منگل کو تجربہ کار لیگ اسپنر نے اپنے آفیشل فیس بک پیج پر اپنی ایک تصویر پوسٹ کی، جس میں وہ نیدرلینڈز میں پوز دیتے ہوئے نظر آ رہے ہیں۔ اسی دن افغانستان کرکٹ بورڈ نے بلاوایو میں پہلے ٹیسٹ کے لیے اپنی ٹیم کی تیاریوں کی تصاویر پوسٹ کیں۔ اے سی بی کی طرف سے شیئر کی گئی ان تصویروں میں راشد کا کوئی نشان نہیں تھا۔
