![](https://jadeedbharat.com/wp-content/uploads/2024/01/Rahul_in_Assam-u5geTh-750x450.jpeg)
کانگریس لیڈر راہل گاندھی اتوار کو اپنی بھارت جوڑو نیا ئےیاترا کے دوران آسام میں ’بی جے پی اور مودی حامیوں‘ کا استقبال کرنے کے لیے اپنی گاڑی سے ا تر گئے۔ تصاویر میں راہل گاندھی اپنے مخالفین کو فلائنگ کسز دیتے ہوئے دکھائی دے رہے ہیں۔ راہل نے ڈرائیور سے گاڑی روکنے کے لئے کہا جس کے بعد ڈرائیور نے فوراً گاڑی روکی اور راہل گاندھی نیچے اترے۔
सबके लिए खुली है मोहब्बत की दुकान,
जुड़ेगा भारत, जीतेगा हिंदुस्तान। pic.twitter.com/Bqae0HCB8f
— Rahul Gandhi (@RahulGandhi) January 21, 2024
بھارت جوڈو نیا ئےیاترا کا آسام دورہ 18 جنوری کو شروع ہوا اور 25 جنوری تک جاری رہے گا، جس میں شمال مشرقی ریاست کے 17 اضلاع شامل ہیں۔دریں اثنا، راہل گاندھی کو اتوار کی شام آسام کے ناگاؤں ضلع میں سڑک کے کنارے کھانے پینے کی جگہ پر بھیڑ نے گھیرا ۔ یہ واقعہ اس وقت پیش آیا جب راہل گاندھی اور کچھ دوسرے رہنما امباگن کے ریستوران میں رکے۔
بھیڑ نے راہل کے خلاف نعرے لگائے اور مقامی کانگریس ایم ایل اے رقیب الحسین کا حوالہ دیتے ہوئے ‘انیائے یاترا’ اور ‘رقیب واپس جاؤ’ جیسے پیغامات والے پلے کارڈز بھی نظر آئے۔ گاندھی اور دیگر قائدین کو سیکورٹی اہلکار کھانے کی دوکان سے باہر نکال کر محفوظ مقام پر لے گئے۔
انگریزی نیوز پورٹل ’منٹ ‘ میں شائع خبر کے مطابق ایک عینی شاہد نے بتایا کہ ریلی سے واپس آنے والے پارٹی کارکنوں کی گاڑیوں پر حملے کا ایک اور واقعہ پیش آیا، انہوں نے مزید کہا کہ اسٹوڈنٹس ونگ کے تین ارکان کو شدید زخمی حالت میں اسپتال میں داخل کرایا گیا۔
اس سے پہلے دن میں، ریاستی کانگریس کے سربراہ بھوپین کمار بورہ پر حملہ کیا گیا تھا اور سینئر مرکزی رہنما جے رام رمیش کی گاڑی پر سونیت پور ضلع میں دو الگ الگ واقعات میں حملہ کیا گیا تھا، جس کے ذریعے یاترا ناگاؤں میں داخل ہوئی تھی۔
گاندھی کی قیادت میں بھارت جوڈو نیا ئےیاترا دن کے اوائل میں وسطی آسام ضلع پہنچی۔ قائدین نے دوپہر کو کالیا بور میں ایک عوامی ریلی سے خطاب کیا، جس میں کانگریس کے قومی صدر ملکارجن کھڑگے بھی موجود تھے۔
![Follow us on Google News](https://jadeedbharat.com/wp-content/uploads/2024/01/GoogleNews.png)