چلتے رہیں گے پے ٹی ایم کے ’کیو آر کوڈ‘، ’ساؤنڈ باکس‘ اور ’کارڈ مشین‘، آر بی آئی کی وضاحت!
نئی دہلی: ریزرو بینک آف انڈیا (آر بی آئی) نے مشکلات کے دور سے گزر رہے پے ٹی ایم کو راحت دیتے ہوئے کہا ہے کہ کمپنی کے کیو آر کوڈ، ساؤنڈ باکس اور کارڈ مشین بغیر کسی پریشانی کے کام کرتے رہیں گے۔ پے ٹی ایم پیمنٹس بینک کے خلاف آر بی آئی کی کارروائی کے بعد پے ٹی ایم کی ان خدمات سے متعلق افواہوں کا بازار گرم ہو گیا تھا۔
سپریم فیصلے سے بی جے پی کی ’دکان‘ بند!
دراصل آر بی آئی سے متواتر کیو آر کوڈ، ساؤنڈ باکس اور کارڈ مشین سے متعلق سوالات پوچھے جا رہے تھے، جن کے آر بی آئی نے جواب دیئے ہیں۔ اپنے جواب میں اس نے کہا ہے کہ ’’پے ٹی ایم کی پیرینٹس کمپنی ون 97 کمیونکیشن نے تاجروں کو کسی بھی قسم کی دشواری سے بچانے کے لیے اپنا نوڈل اکاؤنٹ ایکسس بینک کو دے دیا ہے۔ اس کے لیے ایک ’اِسکرو اکاؤنٹ‘ کھولا جائے گا۔‘‘ معلومات کے مطابق ون 97 کمیونکیشن کی ’سبسیڈری پے ٹی ایم پیمنٹ سروسیز‘(پی پی ایس ایل) پہلے سے ہی ایکسس بینک کے ساتھ کام کر رہی تھی۔
راہل گاندھی نے ’ڈبل انجن‘ حکومت کو بے روزگاری کی ’ڈبل مار‘ قرار دیا
آر بی آئی کے گورنر شکتی کانت داس نے حال ہی میں کہا تھا کہ وہ پے ٹی ایم پیمنٹس بینک کے خلاف کی گئی کارروائی کا رویو(جائزہ) نہیں کریں گے۔ حالانکہ آر بی آئی نے پیمنٹ بینک کو راحت دیتے ہوئے ڈپازٹ لینے پر پابندی کی آخری تاریخ 29 فروری سے بڑھا کر 15 مارچ کر دی ہے۔ ساتھ ہی گاہکوں کو ہو رہی دشواریوں کو حل کرنے کے لیے ایف اے کیو (اکثر پوچھے جانے والے سوالات) بھی جاری کیے ہیں۔ ان سے صاف ہو گیا ہے کہ پے ٹی ایم کی مرچنٹ پیمنٹ سروسیز 15 مارچ کے بعد بھی جاری رہے گی۔
’فنٹیک کمپنی‘ نے ایکسچینج فائلنگ میں بتایا ہے کہ ’’تاجروں کے کیو آر کوڈز، ساؤنڈ باکسز اور کارڈ مشینیں بغیر کسی رکاوٹ کے کام کرتی رہیں گی۔ اس بات کو یقینی بنانے کے لیے کہ مرچنٹ سیٹلمنٹ میں کوئی مسئلہ نہ ہو، ایکسس بینک کے ساتھ معاہدہ کر لیا گیا ہے۔‘‘ واضح رہے کہ ملک میں کیو آر کوڈ اور موبائیل پیمنٹس سیکٹر میں پے ٹی ایم ایک بڑی کمپنی بن چکی ہے۔ نوٹ بندی کے بعد پے ٹی ایم کو اس سیکٹر میں بڑا فائدہ ہوا ہے۔ کمپنی نے کروڑو تاجروں کے ساتھ پارٹنر شپ کرتے ہوئے ڈیجیٹل پیمنٹ کا ایک بڑا نیٹ ورک کھڑا کر لیا تھا۔ اس کے ساتھ چھوٹے سے لے کر بڑے ہر طرح کے کسٹمر جڑ گئے تھے۔ مگر آر بی آئی کے ذریعے پے ٹی ایم پیمنٹس بینک کے خلاف کی گئی کارروائی سے اسے بڑا جھٹکا لگ گیا ہے۔
