نئی دہلی: میڈیکل ایمرجنسی کی وجہ سے جدہ سے حیدرآباد جانے والی انڈیگو کی فلائٹ کو پاکستان کے کراچی میں لینڈ کرانی پڑی۔ اس کے باوجود بیمار مسافر کو نہیں بچایا جا سکا۔
انڈیگو ایئرلائن کمپنی کا کہنا ہے کہ “جدہ سے حیدرآباد جانے والی انڈیگو کی فلائٹ 6E 68 میں میڈیکل ایمرجنسی آن پڑی، کپتان نے فلائٹ کا رخ کراچی کی طرف موڑ دیا، جہاں پہنچنے پر مسافر کی طبی امداد کی گئی۔ بدقسمتی سے مسافر زندہ نہیں بچ سکا اور حیدرآباد پہنچنے پر اسے مردہ قرار دے دیا گیا۔ فلائٹ رسمی کارروائیوں کو مکمل کرنے کے بعد کراچی سے روانہ ہوئی اور 0908 IST پر حیدرآباد پہنچی۔”
