’مہاگٹھ بندھن‘ نے پٹنہ میں 3 مارچ کو ’جَن وشواس ریلی‘ کرنے کا کیا اعلان، ایک پلیٹ فارم پر نظر آئیں گے راہل-تیجسوی
آئندہ لوک سبھا انتخاب کو دیکھتے ہوئے بہار میں انڈیا اتحاد نے 3 مارچ کو راجدھانی پٹنہ کے گاندھی میدان میں ’جَن وشواس ریلی‘ کرنے کا اعلان کیا ہے۔ حالانکہ انڈیا اتحاد میں شامل پارٹیاں بہار میں پہلے ہی مہاگٹھ بندھن کے نام سے اتحاد بنائے ہوئی ہیں جو اس مرتبہ لوک سبھا انتخاب میں برسراقتدار طبقہ کو زبردست ٹکر دیتی ہوئی دکھائی دے رہی ہے۔
پٹنہ میں منعقد ہونے والی ’جَن وشواس ریلی‘ میں آر جے ڈی لیڈر لالو پرساد یادو اور تیجسوی یادو کے ساتھ ساتھ کانگریس لیڈر راہل گاندھی بھی شامل ہوں گے۔ یعنی ایک بار پھر راہل-تیجسوی ایک پلیٹ فارم پر نظر آئیں گے۔ اس سے قبل ’بھارت جوڑو نیائے یاترا‘ میں تیجسوی یادو کی شرکت ہوئی تھی جہاں انھوں نے راہل گاندھی کے ساتھ گاڑی پر سوار ہو کر عوام کے مسائل سنے تھے۔ بہرحال، 3 مارچ کو ہونے والی ریلی میں دیپانکر بھٹاچاریہ، سیتارام یچوری اور ڈی راجہ کی بھی شرکت ہونے والی ہے۔ یہ سبھی لیڈران عوام سے خطاب کریں گے۔
VIDEO | “The Mahagathbandhan has decided to organise the ‘Jan Vishwas Yatra’ on March 3 at Gandhi Maidan in Patna. The rally will be attended by Congress leader Rahul Gandhi, and RJD’s Lalu Yadav and Tejashwi Yadav,” says Bihar Congress president Akhilesh Prasad Singh… pic.twitter.com/77jZCa61NO
— Press Trust of India (@PTI_News) February 21, 2024
بہار ریاستی کانگریس صدر اکھلیش پرساد سنگھ اور آر جے ڈی کے ریاستی صدر جگدانند سنگھ نے بدھ کے روز پٹنہ میں ایک مشترکہ پریس کانفرنس میں 3 مارچ کو جَن وشواس ریلی منعقد کرنے کا اعلان کیا۔ اکھلیش یادو نے کہا کہ کانگریس لیڈر راہل گاندھی 3 مارچ کو بہار آئیں گے اور پٹنہ کی ریلی میں آر جے ڈی چیف لالو پرساد یادو اور سی پی ایم جنرل سکریٹری سیتارام یچوری سمیت دیگر لیڈران کے ساتھ اسٹیج شیئر کریں گے۔
کسان تحریک: ہریانہ پولیس نے مظاہرین کو منتشر کرنے کے لیے آنسو گیس کے گولے داغے
قابل ذکر ہے کہ بہار کے وزیر اعلیٰ اور جنتا دل یو صدر نتیش کمار کے پلٹی مارنے کے بعد تیجسوی یادو سیاسی طور پر انتہائی سرگرم دکھائی دے رہے ہیں۔ وہ فی الحال ’جَن وشواس یاترا‘ کے تحت ریاستی دورے پر ہیں۔ امکان ظاہر کیا جا رہا ہے کہ جَن وشواس یاترا کے ٹھیک بعد پٹنہ میں جَن وشواس ریلی منعقد کر مہاگٹھ بندھن اور انڈیا اتحاد بہار میں لوک سبھا انتخاب کے لیے اپنی مہم کا بگل پھونکنے والا ہے۔
