ایچ سی جی ہسپتال اور یوگا بیونڈ ریلیجن کے اشتراک سے کینسر بیداری پروگرام کا آغاز
صحت مند طرز زندگی کو فروغ دیں اور کینسر میں مبتلا لوگوں کی مدد کریں :سی پی سنگھ
جدید بھارت نیوز سروس
رانچی، 20دسمبر: ایچ سی جی ہسپتال اور یوگا بیونڈ ریلیجن کے اشتراک سے جمعہ کو مورہابادی گراؤنڈ میں آر سی اکیڈمی ڈیفنس کے طلباء کے درمیان کینسر بیداری پروگرام کا آغاز کیا گیا۔ رانچی کے ایم ایل اے سی پی سنگھ اس پروگرام میں مہمان خصوصی کے طور پر موجود تھے۔“اس دوران سی پی سنگھ نے کہا کہ ہم سب کو مل کر یہ عہد کرنا چاہئے کہ ہم کینسر کے بارے میں زیادہ سے زیادہ بیداری پھیلائیں گے، صحت مند طرز زندگی کو فروغ دیں گے اور کینسر میں مبتلا لوگوں کی مدد کریں گے۔ میری آپ سب سے گزارش ہے کہ اپنی صحت کا باقاعدگی سے معائنہ کروائیں، صحت مند غذا اور طرز زندگی اپنائیں، اور کینسر کے بارے میں غلط فہمیوں کو دور کریں۔ “صرف بیداری اور بروقت علاج ہی کینسر جیسی بیماری سے بچا سکتا ہے۔” اس پروگرام کا مقصد لوگوں میں کینسر کے بارے میں بیداری بڑھانا اور اس کی ابتدائی علامات، علاج اور بچاؤ کے بارے میں معلومات فراہم کرنا ہے۔اس پروگرام میں یوگا اور ہولیسٹک اپروچ بھی شامل ہے، جو کینسر کے علاج میں مددگار ثابت ہو سکتے ہیں۔ اس پروگرام میں یوگا بیونڈ ریلیجن کی بانی اور ریاستی ترجمان رافعہ ناز، ایچ سی جی کے سینئرکنسلٹنٹ ریڈی ایشن ڈاکٹر آفتاب عالم انصاری، آر سی اکیڈمی کے سربراہ روشن کمار، وویکانند یوتھ کویک فاؤنڈیشن کے صدر گورو اگروال، وائی بی آر کے رکن پرنس کمار، اور ڈاکٹر ڈاکٹر عادل، اسپتال کی اسٹیئرنگ کمیٹی کے اراکین سوربھ کانتی منڈل اور منورنجن موجود تھے۔
