ایم ایس پی کی قانونی ضمانت جیسے مطالبات کے لیے جاری کسان تحریک میں شامل کسانوں نے شمبھو بارڈر پر اب ایک نئی بستی بسا لی ہے۔ گوکہ یہ بستی عارضی ہے لیکن اس میں کسانوں کے احتجاج کے کئی رنگ نظر آ رہے ہیں۔ ٹرکوں اور ٹریکٹروں پر مشتمل یہ بستی 5 کلومیٹر تک پھیلی ہوئی ہے، جس میں 15 ہزار سے زائد کسان موجود ہیں۔ رات ہوتے ہی یہ ٹرک و ٹریکٹر بیڈ رومز و کچن میں تبدیل ہو جاتے ہیں جبکہ ان پر لگے لاؤڈاسپیکرس پر دن بھر مختلف گانے بجتے رہتے ہیں۔
بارہمولہ میں منشیات فروش گرفتار، چرس جیسا مواد بر آمد:پولیس
اس عارضی بستی میں ضروریاتِ زندگی کی ہر شئے موجود ہے۔ ایک گھر میں جن جن چیزوں کی ضرورت ہوتی ہے، کسان وہ سب اپنے ساتھ لائے ہیں۔ گیس سیلنڈر، لکڑیاں، دودھ کے ڈبے، آلو و پیاز کی بوریاں، آٹا، دال، چاول، مصالحے اور یہاں تک کہ گھروں میں تیار کی گئی کھانے پینے کی اشیا تک ان ٹرکوں وٹرالیوں میں موجود ہیں۔ ان کی مقدار دیکھ کر اندازہ ہوتا ہے کہ یہ 6 ماہ کے لیے کافی ہوں گے۔ اس کا مطلب یہ ہے کہ کسان اس تحریک میں 6 ماہ کی تیاری کے ساتھ حصہ لینے آئے ہیں۔
کانگریس ایم وی اے کے ساتھ مہاراشٹر میں 38 سے زائد سیٹوں پر کامیابی حاصل کرنے کے لیے پرعزم!
’امراجالا‘ میں شائع رپورٹ کے مطابق لوگ سبزیاں اور دیگر اشیاء بھی لے کر پہنچ رہے ہیں۔ کسان بھی اپنے ساتھ برتن، کپڑے، صابن، تیل وغیرہ لے کر آئے ہیں۔ انہیں لگتا ہے کہ یہ تحریک طویل عرصے تک چل سکتی ہے۔ گدوں کے نیچے بھوسے رکھنے کا بھی انتظام ہے۔ ہر ٹرالی پر ایک بلب نصب ہے۔ ایک ٹرالی میں بارہ افراد کے رہنے کی گنجائش ہے۔ کسانوں کا کہنا ہے کہ ’’یہ ہمارا بیڈ روم ہے۔ ہمیں اس سے کوئی فرق نہیں پڑتا کہ ہمیں یہاں کتنے دن رہنا ہے۔ گھر سے نکلنے سے قبل ہی ہمیں اندازہ تھا کہ یہ لڑائی طویل عرصے تک چلے گی۔‘‘
غزہ : اسرائیلی حملے میں 40 فلسطینیوں کی موت
موہی خورد گاؤں کے رہنے کسان تیجندر سنگھ کا کہنا ہے کہ ’’کچھ سیاستدان اور عام لوگ کسانوں کے احتجاج کو یہ کہہ کر بدنام کرنے کی کوشش کر رہے ہیں کہ یہ علاحدگی پسندوں کی تحریک ہے، جو حکومت کو بلیک میل کرنا چاہتی ہے۔ جبکہ یہ سراسر غلط ہے۔ کسان اپنے حقوق کے لیے سڑکوں پر نکلے ہیں۔ ہمارے گرووں نے ہمیں یہی تو سکھایا ہے کہ ہمیں سب کی خدمت کرنی ہے۔ انصاف کرنا اوپر والے کے ہاتھ میں ہے۔‘‘ انہوں نے مزید کہا کہ ’’کسان مضبوط ارادوں، لنگر اور اتحاد کی طاقت کے ساتھ اپنی لڑائی جاری رکھے ہوئے ہیں۔‘‘
نواز شریف نے کیوں نہیں پہنا وزیراعظم کا تاج ؟
اسی کسان تحریک میں اور اسی شمبھو بارڈر پر گزشتہ دنوں ایک بزرگ کسان گیان سنگھ کی موت ہو گئی تھی۔ یہاں پر احتجاج کر رہے کسان تنظیموں کے کسان لیڈران مرنے والے کسان کی آخری رسومات میں شریک ہونے کے لیے ان کے گاؤں گیے۔ اس موقع پر ان لیڈران نے کہا کہ ’’گیان سنگھ کی موت کی وجہ مرکزی حکومت کا آمرانہ رویہ ہے۔‘‘ کسان لیڈر بلبیر سنگھ نے کہا کہ ’’گیان سنگھ کی موت سے ہمارے کسان تحریک کو تقویت ملی ہے اور ایم ایس پی کا مطالبہ منظور ہونے کے بعد ہی کسان اب واپس جائیں گے۔‘‘
کسان ایم ایس پی پر فوری آرڈیننس کے خواہاں
اس احتجاجی تحریک کی ایک خاص بات یہ بھی ہے کہ سرحد کے قریب گاؤں کے لوگ اور گرودواروں کی کمیٹیوں کے نمائندے بھی کسانوں کے حق میں آگے آرہے ہیں۔ گورداسپور سے پہنچے کسان جرنیل سنگھ اور امرتسر کے پنڈھیر کلاں گاؤں کے بلوندر سنگھ (70) نے بتایا کہ ’’کسانوں کے پاس 6 ماہ کا راشن ہے، لیکن اب تک لنگر بنانے کی بہت کم ضرورت پڑی ہے۔ گرودوارہ کمیٹیاں اور آس پاس کے گاؤں والے ہر روز دودھ سے لے کر سبزیوں، روٹی، لسی، مٹھائی، پھل اور پانی تک کے لنگر کے ساتھ پہنچ رہے ہیں۔‘‘
نیتن یاہو حکومت کے خلاف آدھی رات کو ہوئے مظاہرے
تحریک میں شامل ہونے والے کسان اپنی اولاد کی طرح پالی اپنی فصل کو یوں ہی چھوڑ کر بڑی تعداد میں شمبھو بارڈر پہنچ رہے ہیں۔ جس گھر میں فصلوں کی دیکھ بھال کے لیے صرف ایک ہی شخص موجود ہے وہ بھی شمبھو بارڈ پر اپنی حاضری درج کرا رہا ہے۔ ہوشیار پور سے پہنچے پرم جیت سنگھ نے بتایا کہ ’’ان کے پیچھے فصلوں کی دیکھ بھال کرنے والا کوئی نہیں ہے۔ ان کی بیوی بھی ان کے ساتھ ہے۔‘‘ ان کا کہنا ہے کہ ’’وہ موسم کی سختی بھی برداشت کرلیں گے اور فصلوں کا نقصان بھی لیکن اس بار اپنا حق لے کر ہی واپس جائیں گے۔‘‘
مسلمان نہیں لیکن مسلمانوں کا ووٹ چاہئے: ابوعاصم اعظمی
ہریانہ کی جانب سے داغی جا رہی ربڑ کی گولیوں و آنسو گیس کے گولوں کے مقابلے احتجاج میں موجود خواتین جھنڈے و ڈنڈے سے مورچہ فتح کرنے کا جذبہ رکھتی ہیں۔ ان میں 60 سے 80 سال کی عمر کی کئی بزرگ خواتین بھی شامل ہیں لیکن بڑھاپے کے باوجود ان میں ہمت کی کمی نہیں ہے۔ خواتین کا کہنا ہے کہ ’’جب ان کے بچے، بھائی اور شوہر اپنے حقوق کے لیے سرحد پر غیر مسلح لڑ رہے ہیں تو وہ گھر کیسے بیٹھیں گی۔ اسی لیے وہ بارڈر پر جمع ہو رہی ہیں اور ضرورت پڑی تو خود آگے آ کر لڑیں گی۔‘‘
