حکومت نے پینشن پانے والوں کی زندگی کو آسان بنانے کیلئے ملک گیر ڈیجیٹل لائف سر ٹیفکیٹ مہم شروع کی
169views
حکومت نے مرکزی حکومت کے پینشن پانے والوں کی زندگی کو آسان بنانے کیلئے ملک گیر ڈیجیٹل لائف سر ٹیفکیٹ مہم دو اعشاریہ صفر مہم شروع کی ہے۔ یہ مہم اِس سال ایک سے 30 نومبر تک جاری رہے گی۔ اِس مہم کا ملک کی تمام ریاستوں اور مرکز کے زیرانتظام علاقوں کے ایک سو شہروں میں انعقاد کیا جائے گا۔ پینشن اور پینشن پانے والوں کی بہبود کے محکمے نے کہاہے کہ بایومیٹرک ڈیوائسز کا استعمال کرتے ہوئے ڈیجیٹل لائف سر ٹیفکیٹ کو داخل کرنے کا عمل 2014 میں شروع ہواتھا۔ پینشن اور پینشن پانے والوں کی بہبود کے محکمے کے سکریٹری وی سری نواس نے پنشن پانے والوں کیلئے سہولت پیدا کرنے کو یقینی بنانے کیلئے بینکرس اور پینشنر ویلفیئر ایسوسی ایشن کی طرف سے کی گئی کوششوںکی تعریف کی۔
