Sports

بھارتی اسکائی ڈائیور شیتل 21500 فٹ کی بلندی سے چھلانگ لگانے والی دنیا کی پہلی خاتون بنیں

71views

کٹھمنڈو، 15 نومبر (ہ س)۔ بھارت کی مشہور اسکائی ڈائیور شیتل مہاجن نے ماونٹ ایورسٹ کے سامنے 21500 فٹ کی بلندی سے ہیلی کاپٹر سے چھلانگ لگانے والی دنیا کی پہلی خاتون کے طور پر نیا ریکارڈ بنا کر یہ کارنامہ انجام دیا ہے۔ ہندوستان کے چوتھے سب سے بڑے شہری اعزاز پدم شری سے سرفراز اور اسکائی ڈائیونگ کے کئی ریکارڈ رکھنے والی 41 سالہ مہاجن نے 13 نومبر کو دنیا کی بلند ترین چوٹی ماونٹ ایورسٹ کے سامنے چھلانگ لگائی۔انہوں نے اپنے فیس بک پیج پر لکھا، ’’میں نے ماونٹ ایورسٹ کے سامنے 21500 فٹ کی بلندی سے اپنی زندگی کی بہترین چھلانگ لگائی اور کالاپتھر 17,444 فٹ / 5,317 میٹر کی بلندی پر اتری۔ میں سب سے زیادہ اونچائی پر اسکائی ڈائیو کرنے والی پہلی خاتون بن گئی ہوں۔‘‘ اس سے قبل 11 نومبر کو مہاجن نے 5,000 فٹ اے جی ایل (زمین کی سطح سے اوپر) سے 17,500 فٹ کی بلندی سے اپنی پہلی چھلانگ لگائی تھی اور وہ نیوزی لینڈ کی مشہور اسکائی ڈائیور وینڈی اسمتھ کے ساتھ ہوائی جہاز میں ان کے انسٹرکٹر کے طور پر کام کرتے ہوئے سیانگبوچے ہوائی اڈے پر 12,500 فٹ کی اونچائی پر کامیابی سے اتری تھیں۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.