’منی پور میں ایک بار پھر امن بحال کرنا چاہتا ہوں‘، بھارت جوڑو نیائے یاترا کے دوسرے دن راہل گاندھی کا خطاب
![](https://jadeedbharat.com/wp-content/uploads/2024/01/Rahul_Gandhi_in_Manipur-qz52oh-750x450.jpeg)
امپھال: راہل گاندھی کی قیادت میں ’بھارت جوڑو نیائے یاترا‘ 14 جنوری کو منی پور سے شروع ہوئی تھی اور آج دوسرے دن بھی منی پور میں یہ یاترا جوش و خروش کے ساتھ جاری ہے۔ دوسرے دن ہزاروں افراد سڑک پر راہل گاندھی کا استقبال کرتے ہوئے دکھائی دیے۔ ان لوگوں کو سابق کانگریس صدر نے یقین دلایا کہ وہ منی پور کو ایک بار پھر پرامن اور ہم آہنگی سے بھرپور ریاست بنائیں گے۔
LIVE: Shri @RahulGandhi resumes #BharatJodoNyayYatra from Karong, Manipur. https://t.co/g5H7kjZyOh
— Congress (@INCIndia) January 15, 2024
’بھارت جوڑو نیائے یاترا‘ کے دوسرے دن راہل گاندھی نے اپنے ایک مختصر خطاب میں اس یاترا کو منی پور سے شروع کرنے کا مقصد لوگوں کو سامنے رکھا۔ انھوں نے کہا کہ ’’منی پور سے نیائے یاترا شروع کرنے کا مقصد پورے ملک میں ایک طاقتور پیغام دینا تھا اور لوگوں کو اس بات سے آگاہ کرنا تھا کہ منی پور کے لوگ کس طرح کے حالات سے گزر رہے ہیں۔‘‘ انھوں نے مزید کہا کہ ’’میں کئی لوگوں سے ملتا رہا ہوں اور محسوس کر سکتا ہوں کہ وہ کس درد و المیے سے گزرے ہیں۔ میں سمجھ سکتا ہوں کہ تشدد میں رشتہ داروں اور جائیدادوں سے محروم ہونے کا کیا مطلب ہے۔‘‘
Last year, we did a yatra from Kanyakumari to Kashmir, and the idea was to bring people of India together.
We wanted to do another yatra from east to west, and we decided that the most powerful thing would be to start the yatra from Manipur so that the people of India could get… pic.twitter.com/wwF6WdaWpv
— Congress (@INCIndia) January 15, 2024
اپنے خطاب کے دوران راہل گاندھی نے امید ظاہر کی کہ منی پور میں جلد از جلد امن اور ہم آہنگی کا ماحول پھر سے قائم ہوگا۔ انھوں نے بھارت جوڑو نیائے یاترا کے دوسرے دن مختلف شعبوں سے تعلق رکھنے والے لوگوں سے بات چیت کی۔ انھوں نے یاترا کے دران پیدل بھی سفر کیا اور بس کا بھی استعمال کیا۔ کئی مقامات پر راہل گاندھی نے بس سے اتر کر لوگوں سے گفتگو کی اور ان کے مسائل کو سمجھنے کی کوشش کی۔ سڑکوں پر بڑی تعداد میں بوڑھے، جوان، بچے بشمول خواتین ہندوستانی پرچم لے کر کھڑے دکھائی دیے۔
मणिपुर में ‘मोहब्बत की दुकान’ pic.twitter.com/WGm8tqZ7eI
— Congress (@INCIndia) January 15, 2024
قابل ذکر ہے کہ کانگریس جنرل سکریٹری جئے رام رمیش نے آج صبح ’ایکس‘ پر ایک پوسٹ کے ذریعہ ’بھارت جوڑو نیائے یاترا‘ سے متعلق کچھ اہم جانکاریاں دی تھیں۔ انھوں نے اپنے پوسٹ میں لکھا ہے کہ ’’بھارت جوڑو نیائے یاترا کے دوسرے دن کی شروعات صبح 7.30 بجے کیمپ پر سیوا دَل کے ذریعہ روایتی طور پر کی گئی پرچم کشائی کے ساتھ ہوئی۔ منی پور پردیش کانگریس کمیٹی کے صدر میگھ چندر نے پرچم کشائی کی۔‘‘ انھوں نے مزید لکھا کہ ’’یاترا منی پور میں سیکمائی سے کانگپوکپی اور پھر سیناپتی سے گزرتے ہوئے آگے جائے گی۔ یاترا میں شامل لوگ آج رات ناگالینڈ میں قیام کریں گے۔‘‘
भारत जोड़ो न्याय यात्रा के दूसरे दिन की शुरुआत सुबह 7:30 बजे कैंप स्थल पर सेवा दल द्वारा पारंपरिक रूप से किए गए ध्वजारोहण के साथ हुई। मणिपुर के पीसीसी अध्यक्ष @meghachandra_k ने ध्वजारोहण किया। यात्रा मणिपुर में सेकमाई से कांगपोकपी और फिर सेनापति से गुज़रते हुए जाएगी। आज रात में… pic.twitter.com/1iAYe9wM7d
— Jairam Ramesh (@Jairam_Ramesh) January 15, 2024
![Follow us on Google News](https://jadeedbharat.com/wp-content/uploads/2024/01/GoogleNews.png)