ایف آئی ایچ ہاکی اولمپک کوالیفائر : جرمنی سیمی فائنل میں داخلآخری لیگ میچ میں جمہوریہ چیک کو 10-0 سے شکست دی
![](https://jadeedbharat.com/wp-content/uploads/2024/01/Germany-Czech-Repulic.jpg)
رانچی، 16 جنوری:۔ جرمنی ایف آئی ایچ ہاکی اولمپک کوالیفائر میں سیمی فائنل میں داخل ہوگیا۔ آخری لیگ میچ میں جمہوریہ چیک کو 10-0 سے شکست دی۔ جرمنی کی ٹیم نے 3 میں سے 2 میچ جیتے۔ ٹیم ایک بھی میچ نہیں ہاری۔ جبکہ ایک میچ ڈرا رہا، جرمنی کی ٹیم پول اے میں 7 پوائنٹس کے ساتھ سرفہرست رہ کر سیمی فائنل میں پہنچ گئی۔ منگل کو جرمنی اور جمہوریہ چیک کے درمیان کھیلے گئے یک طرفہ میچ میں جرمنی نے فتح حاصل کی۔ جرمنی نے یکے بعد دیگرے 9 گول کیے ۔ جمہوریہ چیک کی ٹیم پورے میچ میں پیچھے نظر آئی۔ چیک ٹیم کو جرمنی سے گیند حاصل کرنے کے لیے جدوجہد کرتے ہوئے دیکھا گیا۔سونجا زیمرمین نے 3، جیتے فلیسچٹز نے 2، شارلٹ سٹیپن ہورسٹ نے 2، کپتان نائکی لیرینز، سیسل پائپر اور سیلائن اوروز نے ایک ایک گول کیا۔اس میچ میں جرمنی کو 15 پنالٹی کارنر ملے۔ جس میں 3 گول میں تبدیل ہوئے۔ جرمنی نے جارحانہ انداز میں کھیلتے ہوئے 5 فیلڈ گول کیے جب کہ ٹیم نے 2 گول پینلٹی اسٹروک کے ذریعے کیے۔
![Follow us on Google News](https://jadeedbharat.com/wp-content/uploads/2024/01/GoogleNews.png)