National

’کانگریس نے سخت قانون بنا کر نوجوانوں کو پیپر لیک سے آزادی دلانے کا عزم کیا ہے‘، نیٹ پیپر لیک معاملہ پر راہل گاندھی کا رد عمل

70views

کل یعنی 5 مئی کو ملک بھر میں نیٹ (NEET) کا امتحان ہوا تھا۔ اس امتحان کا پیپر لیک ہونے کی خبر نے ایک بار پھر انتظامیہ کو کٹہرے میں کھڑا کر دیا ہے۔ اس معاملے میں کانگریس کے سابق صدر راہل گاندھی کا سخت رد عمل سامنے آیا ہے۔ انھوں نے سوشل میڈیا پلیٹ فارم ’ایکس‘ پر ایک پوسٹ کیا ہے جس میں لکھا ہے کہ ’’نیٹ (NEET) امتحان کا پیپر لیک ہونے کی خبر 23 لاکھ سے زیادہ طلبا و طالبات اور ان کے کنبوں کے خوابوں کے ساتھ دھوکہ ہے۔‘‘

راہل گاندھی نے اپنے اس پوسٹ میں انتہائی افسوس کا اظہار کرتے ہوئے لکھا ہے کہ ’’بارہویں پاس کر کالج میں داخلے کا خواب دیکھنے والے طلبا و طالبات ہوں یا سرکاری ملازمت کے لیے جدوجہد کر رہے ہونہار نوجوان، ہر کسی کے لیے مودی حکومت لعنت بن چکی ہے۔ 10 سالوں سے بی جے پی حکومت کے نکمے پن کی قیمت اپنے مستقبل کی بربادی سے چکا رہا نوجوان اور اس کا کنبہ اب سمجھ چکا ہے کہ زبان چلانے اور حکومت چلانے میں فرق ہوتا ہے۔‘‘

اس پوسٹ کے آخر میں راہل گاندھی نے پیپرلیک مسئلہ سے نجات کے لیے کانگریس کے منصوبہ کا بھی تذکرہ کیا ہے۔ انھوں نے لکھا ہے کہ ’’کانگریس نے سخت قانون بنا کر نوجوانوں کو پیپر لیک سے آزادی دلانے کا عزم کیا ہے۔ طلبا کو صحت مند اور شفاف ماحول ہماری گارنٹی ہے۔‘‘

واضح رہے کہ نیٹ امتحان کا پیپر لیک ہونے کی خبر تیزی کے ساتھ سوشل میڈیا پر وائرل ہو رہی ہے۔ حالانکہ این ٹی اے (نیشنل ٹیسٹنگ ایجنسی) نے دعویٰ کیا ہے کہ نیٹ امتحان کا پرچہ لیک نہیں ہوا ہے۔ این ٹی اے نے اپنے ایک بیان میں کہا ہے کہ این ڈی اے کے سیکورٹی پروٹوکول اور ایس او پی کے ذریعہ پتہ لگایا ہے کہ نیٹ پیپر لیک کی طرف اشارہ کر رہے سوشل میڈیا پوسٹ پوری طرح سے غلط ہیں۔ ان کا کوئی بنیاد نہیں ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.