National

شدید گرمی کے دوران علی گڑھ میونسپل کارپوریشن کا انوکھا اقدام، چوراہوں پر پانی برسانے کی مشینیں نصب

75views

علی گڑھ میں جہاں ایک طرف گرمی نے تباہی مچا رکھی ہے وہیں دوسری طرف میونسپل کارپوریشن عام لوگوں کو گرمی سے راحت دینے کی ہر ممکن کوشش کر رہی ہے۔ اسی ضمن میں میونسپل کارپوریشن نے علی گڑھ شہر کے مختلف چوراہوں پر مشینوں کے ذریعے ٹھنڈے پانی کی پھوار کا انتظام کیا ہے تاکہ لوگوں کو گرمی سے راحت مل سکے۔

علی گڑھ شہر میں یہ پہلی بار دیکھا گیا ہے جب میونسپل کارپوریشن گرمی سے راحت دلانے کے لیے مختلف چوراہوں پر ٹھنڈا پانی برسانے کے لیے اینٹی سموک گن کی طرز پر مشین کا استعمال کر رہی ہے۔ علی گڑھ میں درجہ حرارت 42 ڈگری کو پار کر رہا ہے۔ گرمی سے لوگ کافی پریشان ہیں۔ ایسے میں میونسپل کارپوریشن کی جانب سے شروع کیا گیا یہ اقدام عوام کے لیے کافی راحت بخش ثابت ہو رہا ہے۔

علی گڑھ میونسپل کمشنر نے اس تعلق سے معلومات دیتے ہوئے کہا ہے کہ بڑھتی ہوئی گرمی کو دیکھتے ہوئے میونسپل کارپوریشن شہر کے لوگوں کو گرمی سے راحت دلانے کے لیے ایک بڑی پہل کر رہی ہے۔ شدید گرمی سے عوام کی حالت غیر ہو گئی ہے۔ لوگوں کو راحت دلانے کے لیے شہر کے مختلف چوراہوں پر اینٹی سموک گنز سے اسپرے کیا جا رہا ہے، اس سے لوگوں کو کافی راحت مل رہی ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.