اڈیشہ: ٹرک پلٹنے سے 6 لوگوں کی موت، 9 افراد سنگین طور پر زخمی، وزیر اعلیٰ پٹنایک نے معاوضہ کا کیا اعلان
![](https://jadeedbharat.com/wp-content/uploads/2024/01/accident_uni-oHZnhr.jpeg)
اڈیشہ واقع میوربھنج ضلع کے قومی شاہراہ-49 پر دھرسنی گھاٹ علاقہ میں بدھ کو ایک خوفناک سڑک حادثے میں ایک ٹرک بے قابو ہو کر پلٹ گیا۔ اس حادثہ میں 6 لوگوں کی موت ہو گئی اور 9 افراد سنگین طور پر زخمی ہوئے ہیں۔ زخمیوں کو بارپدا کے میڈیکل کالج اینڈ ہاسپیٹل میں داخل کرایا گیا ہے، جبکہ معمولی طور سے زخمی ایک شخص کا بنگیریپوسی کے ایک مقامی اسپتال میں علاج چل رہا ہے۔
پی ایم مودی نے مرکزی وزراء کو فی الحال رام مندر نہ جانے کا دیا مشورہ، آئیے جانیں اس کی وجہ
اس حادثے پر افسوس ظاہر کرتے ہوئے وزیر اعلیٰ نوین پٹنایک نے سبھی مہلوکین کے کنبوں کو 3-3 لاکھ روپے پر مشتمل معاوضہ کی رقم دینے کا اعلان کیا ہے۔ انھوں نے افسران کو زخمی اشخاص کے لیے مناسب علاج کا انتظام کرنے کی بھی ہدایت دی ہے۔ انھوں نے حادثے کے شکار لوگوں کے کنبوں کو ہر ممکن مدد کی بھی ہدایت دی ہے۔
#ଘାଟିରୁ_ଓଲଟିଲା_ଯାତ୍ରାପାର୍ଟି_ଟ୍ରକ
ମୟୂରଭଞ୍ଜ ବାଙ୍ଗିରିପୋଷି ଘାଟିରେ ଘଟିଛି ମର୍ମନ୍ତୁଦ ଦୁର୍ଘଟଣା। ୪୯ନଂ ଜାତୀୟ ରାଜପଥ ବାଙ୍ଗିରିପୋଷି ଘାଟିରେ ଯାଉଥିବା ଏକ ଯାତ୍ରାପାର୍ଟି ଟ୍ରକ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ୫ ଜଣଙ୍କ ମୃତ୍ୟୁ ହୋଇଛି। #Odisha #Baripada #Accident #OTV pic.twitter.com/iFvhS7ZtjT
— ଓଟିଭି (@otvkhabar) January 24, 2024
باریپدا صدر کے سَب ڈویژنل پولیس افسر سجیت کمار پردھان نے کہا کہ دھولی گن ناٹیہ پلے گروپ کا ٹرک رائے رنگ پور سے جلیشور جا رہا تھا۔ ابھی تک ہمیں پتہ چلا ہے کہ ٹرک میں تقریباً 16 افراد سوار تھے۔ صبح تقریباً 10.45 بجے وادی میں گاڑی حادثہ کا شکار ہو گیا۔ اب تک 6 لوگوں کی موت ہوئی ہے، جبکہ دو دیگر کی حالت سنگین ہے۔ ہم نے اس افسوسناک حادچہ کے پیچھے کی اصل وجہ جاننے کے لیے جانچ شروع کر دی ہے۔
65 یوکرینی جنگی قیدیوں کو واپس چھوڑنے جا رہا روسی طیارہ حادثہ کا شکار، پائلٹ سمیت سبھی 74 سوار ہلاک
مقامی ذرائع نے کہا کہ لوگ بالاسور ضلع کے جلیشور واقع سولاپاٹا علاقہ کی طرف جا رہے تھے۔ لائٹ اینڈ ساؤنڈ سسٹم لے جا رہے ٹرک کے ڈرائیور نے اچانک گاڑی سے کنٹرول گنوا دیا۔ گاڑی روڈ کے کنارے فٹ پاتھ سے ٹکرانے کے بعد 20 فیٹ گہرے گڈھے میں گر گئی۔ حادثے کے وقت ٹرک میں دھولی گن ناٹیہ پلے گروپ کے ایک درجن سے زیادہ افراد سفر کر رہے تھے۔ خبر ملنے پر پولیس اور فائر بریگیڈ سروس اہلکار موقع پر پہنچے۔ انھوں نے زخمیوں کو بچایا اور لاش برآمد کر آگے کی کارروائی شروع کر دی۔
![Follow us on Google News](https://jadeedbharat.com/wp-content/uploads/2024/01/GoogleNews.png)