جوشی مٹھ: حکومت کی لاپروائی کا خمیازہ بھگتیں گے ایک ہزار سے زیادہ کنبے، منہدم کیے جائیں گے تقریباً 1200 گھر
جوشی مٹھ میں لینڈ سلائڈنگ کے سبب 1000 سے زیادہ عمارتوں کو منہدم کیا جائے گا۔ بتایا جا رہا ہے کہ تقریباً 1200 گھر ہائی رِسک میں آ گئے ہیں۔ پہاڑ پر 14 پاکیٹ ایسے ہیں جہاں پر یہ سبھی گھر بنے ہیں اور رہنے کے لحاظ سے محفوظ نہیں ہیں۔ ہائی رِسک زون میں آ رہی عمارتوں کے لیے نقشہ تیار کیا گیا ہے۔ ہائی رِسک زون میں آئی ان عمارتوں میں رہائشی اور کمرشیل عمارتیں شامل ہیں۔
مدھیہ پردیش میں ای وی ایم پر اٹھے سوال، دگوجئے سنگھ نے ڈیمو نمائش کرتے ہوئے گڑبڑی کا الزام عائد کیا
ہائی رِسک زون میں آئی یہ سبھی عمارتیں نگر پالیکا کے چار وارڈوں میں ہیں جہاں زمین دھنس گئی ہے۔ یہاں سب سے زیادہ لینڈ سلائڈنگ ہوئی ہے جس کے سبب کئی کنبے نقل مکانی کو مجبور ہوئے ہیں۔ سی بی آر آئی نے ہائی رِسک زون میں آ رہی ان عمارتوں کا نقشہ تیار کیا ہے اور ان مکانات میں رہنے والوں کی بازآبادکاری کی سفارش حکومت سے کی گئی ہے۔ سی بی آر آئی کی اس سفارش کے بعد یہ طے ہے کہ ہائی رِسک زون میں آئے ان گھروں کو منہدم کیا جانا ہے۔
چنڈی گڑھ: ہائی کورٹ نے بی جے پی کو دیا جھٹکا، 30 جنوری کو میئر الیکشن کرانے کا حکم
آپ کو بتا دیں کہ جوشی مٹھ میں گزشتہ سال ہوئی لینڈ سلائڈنگ کے بعد مختلف تکنیکی اداروں کی طرف سے الگ الگ سطح پر تکنیکی جانچ کی تھی۔ سی بی آر آئی روڑکی کے سائنسدانوں کی طرف سے پہاڑ پر بنے مکانات کی دراڑوں اور زمین میں آئی دراڑوں کی بنیاد پر خطرے کا اندازہ کیا تھا۔ رپورٹ کے مطابق سروے کے دوران سبھی مکانات میں آئی دراڑوں کا الگ الگ پیرا میٹر کے حساب سے اندازہ کیا گیا۔
پی ایم مودی نے مرکزی وزراء کو فی الحال رام مندر نہ جانے کا دیا مشورہ، آئیے جانیں اس کی وجہ
ساتھ ہی زمین کے اندر آئے شگاف کے لیے ماہر ارضیات کی رپورٹ کا بھی تجزیہ کیا گیا۔ اس کی بنیاد پر عمارتوں کو تین حصوں میں تقسیم کیا گیا۔ سروے کے دوران 14 ہائی رِسک زون نشان زد کیے گئے ہیں۔ حال ہی میں جوشی مٹھ کا فزیکل سروے بھی کیا گیا ہے۔ انھوں نے بتایا کہ تقریباً 2500 عمارتوں میں سے 1200 عمارتوں کو ہائی رِسک کے تحت رکھا گیا ہے۔ ان عمارتوں میں مقیم لوگوں کی باز آبادکاری کی سفارش کی گئی ہے۔
65 یوکرینی جنگی قیدیوں کو واپس چھوڑنے جا رہا روسی طیارہ حادثہ کا شکار، پائلٹ سمیت سبھی 74 سوار ہلاک
غور طلب ہے کہ 2021 کے اکتوبر ماہ میں جوشی مٹھ کے کچھ گھروں میں پہلا شگاف دکھائی دیا تھا، لیکن انتظامیہ نے اس وقت مناسب قدم نہیں اٹھایا۔ جس کے بعد یہ شگاف بڑھتا گیا اور 2022 میں عمارت میں شگاف زیادہ دکھائی دینے لگا۔ پھر دیکھتے ہی دیکھتے 2023 میں ان شگافوں نے خطرناک شکل اختیار کر لیا۔ شہر کے 9 وارڈوں میں 723 گھروں کے فرش، چھت اور دیواروں پر بڑے یا چھوٹے شگاف نظر آنے لگے۔ جنوری 2023 میں عمارتوں میں زیادہ شگاف دکھائی دینے کے بعد 145 کنبوں کو عارضی طور پر محفوظ مقامات پر منتقل کر دیا گیا تھا۔
