سیتامڑھی ، 06 نومبر :۔ سیتامڑھی ضلع کے باجپتی تھانہ علاقے کے بری گائوں میں سوموار کے روز پانی سے بھرے گڑھے میں ڈوبنے سے بھائی اور بہن سمیت تین بچوں کی موت ہوگئی۔ پولیس کے مطابق ضلع کے باجپتی تھانہ علاقے کے بری گاو?ں میں چمنی کے قریب گڑھے سے مٹی لانے گئی دو لڑکیاں اور ایک لڑکا ڈوب کر ہلاک ہو گئے۔ مرنے والوں کی شناخت بری گاو?ں ر ہائشی اشوک ٹھا کر کی بیٹی سونی کماری (11سال) اور بیٹا آدتیہ کمار (10سال) اور جتیندر ٹھاکر کی بیٹی لاڈلی کماری (12سال) کے طور پر کی گئی ہے۔ تین بچوں کی موت سے گاو?ں میں غم کا ماحول ہے۔ جائے وقوعہ کے قریب سینکڑوں لوگوں کا ہجوم جمع ہے۔ واقعہ کی اطلاع ملتے ہی آر او ابھیشیک آنند، تھانہ انچا رج پنکج کمار اور اے ایس آئی دیویندر رائے موقع پر پہنچے اور واقعہ کی معلومات حاصل کی۔ تینوں بچوں کی لاشوں کو پوسٹ مارٹم کے لیے سیتامڑھی صدر اسپتال بھیج دیا گیا ہے۔
