West Bengal

مغربی بنگال کی وزیر اعلیٰ ممتا بنرجی گھر میں گرنے سے زخمی، اسپتال سے چھٹی ملی

111views

کولکاتا: مغربی بنگال کی وزیر اعلیٰ ممتا بنرجی کی پیشانی پر جمعرات کی شام سنگین چوٹ آئی ہے۔ ترنمول کانگریس (ٹی ایم سی) نے یہ معلومات دی ہیں۔ ٹی ایم سی کی سربراہ بنرجی کو ایک سرکاری ہسپتال لے جایا گیا، جہاں ان کے کچھ ٹانکے لگائے گئے اور طبی معائنہ کیا گیا۔ بعد میں ڈاکٹروں نے انہیں چھٹی دے دی۔ ہسپتال سے چھٹی ملنے کے بعد بنرجی کو گھر لے جایا گیا۔

وزیر اعظم نریندر مودی اور کانگریس لیڈر راہل گاندھی نے ممتا بنرجی کی جلد صحت یابی کی خواہش کی ہے۔ وزیر اعظم نے ‘ایکس’ پر ایک پوسٹ میں کہا، “میں ممتا دیدی کی جلد صحت یابی اور اچھی صحت کے لیے دعا گو ہوں۔” وہیں، راہل گاندھی نے ایکس پر لکھا، ’’میں دعا کرتا ہوں کہ ممتا جی کو طاقت ملے اور وہ بہت جلد صحت یاب ہوں۔‘‘

ممتا بنرجی کے اہل خانہ کے مطابق وہ ایک تقریب میں شرکت کے بعد جنوبی کولکاتا کے علاقے کالی گھاٹ میں واقع اپنے گھر پہنچی تھیں۔ انہیں اسپتال لے جایا گیا، جہاں سے انہیں ڈسچارج کر دیا گیا۔ ٹی ایم سی نے ایک پوسٹ میں لکھا، ’’ہماری صدر ممتا بنرجی شدید زخمی ہو گئی ہیں۔ براہ کرم ان کے لئے دعا کریں۔‘‘ پارٹی نے ممتا بنرجی کی تصاویر بھی پوسٹ کیں، جن میں ان کی پیشانی سے خون بہہ رہا ہے۔

ٹی ایم سی ذرائع کے مطابق پارٹی کے قومی جنرل سکریٹری اور ممتا کے بھتیجے ابھیشیک بنرجی نے انہیں اسپتال میں داخل کرایا۔ ممتا کے بھائی کارتک بنرجی نے ایک بنگالی نیوز چینل کو بتایا، ’’وہ گھر کے اندر گر گئیں۔ انہیں فوری طور پر ہسپتال لے جایا گیا۔ ان کے ماتھے سے خون بہہ رہا تھا اور انہیں ٹانکے لگائے گئے۔‘‘

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.