’ہمیں نتیش کی ضرورت نہیں، یہاں ہمارا اتحاد مل کر کام کر لے گا‘، بہار میں راہل گاندھی کے کچھ اہم انکشافات
راہل گاندھی کی قیادت میں کانگریس کی ’بھارت جوڑو نیائے یاترا‘ پورے جوش و خروش کے ساتھ آگے بڑھ رہی ہے۔ ابھی یہ یاترا بہار میں ہے اور راہل گاندھی نے اس دوران عوام سے خطاب کرتے ہوئے کچھ اہم انکشافات کیے ہیں۔ انھوں نے نتیش کمار کے ’یو ٹرن‘ لینے کے پیچھے پوشیدہ وجہ بتائی ہے اور یہ بھی دعویٰ کیا ہے کہ بہت دباؤ بنانے کے بعد وزیر اعلیٰ نے ذات پر مبنی مردم شماری کرائی۔ راہل گاندھی نے انڈیا اتحاد سے نتیش کمار کے الگ ہونے پر بھی اپنا رد عمل ظاہر کیا ہے۔ انھوں نے عزم ظاہر کیا کہ انڈیا اتحاد بہار میں مل کر اپنا کام کر لے گا، یہاں نتیش کی ضرورت نہیں۔
बिहार के मुख्यमंत्री के बारे में ये चुटकुला वायरल है.
आपने सुना क्या❓ pic.twitter.com/Uwq1igh280
— Congress (@INCIndia) January 30, 2024
منگل کی دوپہر بہار کے پورنیہ میں ہزاروں عوام کی بھیڑ سے خطاب کرتے ہوئے راہل گاندھی نے نتیش کمار کے ’یو ٹرن‘ لینے کی وجہ بتاتے ہوئے کہا کہ وہ دباؤ برداشت نہیں کر پاتے۔ تھوڑا سا دباؤ پڑتا ہے اور فوراً وہ یو ٹرن لے لیتے ہیں۔ نتیش پر یہ دباؤ اس لیے پڑا کیونکہ ہم آپ کے حقوق کے لیے کام کرتے ہیں۔ اس ملک میں الگ الگ طبقات کے لوگ ہیں، پسماندہ ذات کے لوگ ہیں، دلت ہیں، دوسری ذات کے لوگ ہیں۔ او بی سی سماج ملک کا سب سے بڑا سماج ہے، لیکن میں آج آپ سے پوچھوں کہ اس ملک میں او بی سی کی آبادی کتنی ہے تو آپ جواب نہیں دے پائیں گے۔ راہل گاندھی نے ذات پر مبنی مردم شماری کو وقت کی بہت اہم ضرورت قرار دیا۔ انھوں نے کہا کہ کانگریس اور آر جے ڈی کے دباؤ کا نتیجہ تھا کہ نتیش کمار نے بہار میں ذات پر مبنی مردم شماری کرائی۔
नीतीश जी कहां फंसे?
हमने नीतीश जी से कहा था कि आपको बिहार में जातिगत जनगणना करवानी होगी, हम आपको छूट नहीं दे सकते।
लेकिन BJP नहीं चाहती थी कि बिहार में जातिगत जनगणना हो, क्योंकि वे देश को सच बताने से डरते हैं।
BJP नहीं चाहती कि जनता का ध्यान सामाजिक न्याय पर जाए।
इसलिए BJP… pic.twitter.com/dw2RWLHgqM
— Congress (@INCIndia) January 30, 2024
کانگریس کے سابق صدر راہل گاندھی نے اپنے خطاب میں کہا کہ ’’نتیش جی کہاں پھنسے؟ ہم نے نتیش جی سے کہا تھا کہ آپ کو بہار میں ذات پر مبنی مردم شماری کروانی ہوگی، ہم آپ کو چھوٹ نہیں دے سکتے۔ لیکن بی جے پی نہیں چاہتی تھی کہ بہار میں ذات پر مبنی مردم شماری ہو، کیونکہ وہ ملک کو سچ بتانے سے ڈرتے ہیں۔ بی جے پی نہیں چاہتی کہ عوام کی توجہ سماجی انصاف کی طرف جائے۔ اس لیے بی جے پی نے نتیش جی کو بیچ سے نکلنے کا راستہ دے دیا اور نتیش جی اس راستے پر نکل گئے۔ نتیش جی یہاں پھنس گئے۔‘‘ پھر وہ کہتے ہیں کہ ’’سماجی انصاف دینے کی ذمہ داری بہار میں ہمارے اتحاد کی ہے۔ نتیش جی کی یہاں کوئی ضرورت نہیں ہے۔ یہاں پر ہم اپنا کام کر لیں گے۔ مل کر ہمارا اتحاد یہاں جو کچھ بھی کرنا ہے وہ کرے گا۔‘‘
