رانچی،21 اکتوبر(ایجنسی) الیکشن کمیشن آف انڈیا کی طرف سے انتخابی عمل کو آسان اور ووٹروں تک رسائی کے لیے کئی سطحوں پر کوششیں کی جا رہی ہیں۔ ووٹرز کی سہولت کے لیے ووٹر ہیلپ لائن ایپ بنائی گئی ہے، جس میں وہ ووٹر لسٹ میں اپنا نام، ووٹر کا اندراج، ووٹر سلپ ڈاؤن لوڈ اور الیکشن سے متعلق دیگر معلومات گھر بیٹھے حاصل کر سکتے ہیں۔ اس کے ساتھ وہ یہ بھی چیک کر سکیں گے کہ آیا وہ ووٹ ڈالنے کے اہل ہیں یا نہیں۔ ووٹر رجسٹریشن – اگر آپ کا ووٹ رجسٹرڈ نہیں ہے تو اس ایپ کی مدد سے ووٹر انتخابی فہرست میں اپنا ووٹ درج کر سکتے ہیں۔اس کے ساتھ، آپ رجسٹریشن کی تفصیلات میں تصحیح کر سکتے ہیں۔ووٹر سلپ ڈاؤن لوڈ – اس ایپ سےصارف انتخابی فہرست یا ڈیجیٹل فوٹو ووٹر سلپ ڈاؤن لوڈ کرسکتے ہیں۔ اس ایپ پرصارفین انتخابات سے متعلق معلومات، نتائج کی جانکاری اور امیدواروں کے بارے میں تفصیلات جان سکتے ہیں۔ووٹر ہیلپ لائن ایپ کی خاص خصوصیات’ ووٹر ہیلپ لائن ایپ‘ گوگل پلے اسٹور اور ایپل ایپ اسٹور سے مفت ڈاؤن لوڈ کی جاسکتی ہے۔ یہ ایپ صارفین کی کسی بھی قسم کی معلومات کو محفوظ نہیں کرتی ہے۔یہ ایپ اہم معلومات پیش کرتی ہے جیسے ووٹر لسٹ، ووٹر رجسٹریشن فارم، ترمیم، ڈیجیٹل فوٹو ووٹر سلپ ڈاؤن لوڈ، شکایت، امیدوار ڈسپلے، ریئل ٹائم انتخابی نتائج کا ڈیٹا۔ایپ صارفین کو موبائل نمبر کو EPIC کارڈ سے لنک کرنے کی اجازت دیتی ہے۔
