West Bengal

مغربی بنگال: سندیش خالی تشدد کیس میں ٹی ایم سی رہنما شاہجہاں شیخ گرفتار

67views

کولکاتا: مغربی بنگال کے سندیش خالی تشدد کیس کے اہم ملزم اور ٹی ایم سی لیڈر شاہجہاں شیخ کو مغربی بنگال پولیس نے شمالی 24 پرگنہ کے میناخان علاقے سے گرفتار کر لیا ہے۔ گرفتاری کے بعد شاہجہاں شیخ کو بشیرہاٹ کورٹ لے جایا گیا۔ یہ اطلاع میناخان کے ایس ڈی پی او امین الاسلام خان نے دی۔

شاہجہاں شیخ کو ٹی ایم سی کے بااثر لیڈر کے طور پر جانا جاتا ہے۔ وہ ٹی ایم سی کی سندیش خالی یونٹ کا صدر بھی رہ چکا ہے۔ جب 5 جنوری کو ای ڈی کی ٹیم بنگال راشن تقسیم گھوٹالہ معاملے میں شاہجہاں سے پوچھ گچھ کرنے آئی تھی تو الزام ہے کہ اس وقت اس کے حامیوں نے ای ڈی ٹیم پر حملہ کیا تھا۔ اس کے بعد سے ای ڈی مسلسل شاہجہاں شیخ کو پوچھ گچھ کے لیے سمن جاری کر رہی تھی لیکن وہ مفرور تھا۔

سندیش خالی کی خواتین نے شاہجہاں شیخ پر ان کے حامیوں کے خلاف زمینوں پر قبضے اور جنسی ہراسانی کے سنگین الزامات لگائے ہیں۔ اپوزیشن اس معاملے پر مسلسل احتجاج کر رہی تھی۔ سندیش خالی میں دفعہ 144 لگا کر اپوزیشن لیڈروں کو وہاں جانے سے روک دیا گیا تھا۔ پولیس نے اس معاملے میں دیگر ملزمان کو گرفتار کر لیا ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.