گرام پنچایت کی ترقی کی کئی اہم خصوصیات سے کرایا گیا واقف
جدید بھارت نیوز سروس
چترا،15؍جنوری: ضلع کے ہنٹر گنج بلاک میں گرام پنچایت سہولت کار ٹیم کی تین روزہ غیر رہائشی تربیت کامیابی کے ساتھ مکمل ہوئی ۔یہ ٹریننگ محکمہ پنچایتی راج نے منعقد کی تھی۔گرام پنچایت ڈیولپمنٹ اسکیم کے تحت پنچایت ریسورس سینٹر اور بلاک آڈیٹوریم میں پنچایتی راج محکمہ کی جانب سے جن یوجنا ابھیان کے تحت گرام پنچایت سہولت کار ٹیم کو تین روزہ تربیت دی گئی۔اس ٹریننگ میں ٹرینی نے بتایا کہ سال 2025/2026 میں گاؤں کی سطح پر کس قسم کی اسکیموں کا انتخاب کیا جانا ہے۔ گرام پنچایت کی ہمہ جہت ترقی کو یقینی بنانے کے لیے کہا گیا کہ ایسی اسکیموں کے انتخاب کو ترجیح دی جائے جس سے گاؤں والوں کو براہ راست فائدہ پہنچے۔ سبکی یوجنا، سب کا وکاس کے موضوع پر ماسٹر ٹرینر نے بڑے پیمانے پر روشنی ڈالی۔ اس عرصے کے دوران گاؤں کو بااختیار بنانے کے لیے نو موضوعات پر اسکیم کا انتخاب کیا گیا جن میں غربت سے پاک اور ترقی یافتہ گاؤں، صحت مند گاؤں، بچوں کے لیے دوستانہ، پانی کی کفایت، صاف اور سبز، خود انحصاری کا بنیادی ڈھانچہ، سماجی طور پر محفوظ، اچھی حکمرانی والا گاؤں، خواتین اور بچوں کو دوستانہ اور کامیاب بنانے کے لیے تربیت دی گئی۔اس موقع پر انچارج بی ڈی او ارون کمار منڈا، بی پی او ونود کمار گپتا، بی پی آر او یوگیش شرما، ماسٹر ٹرینر یوگیندر یادو، ٹرینر شنکر دانگی، جی پی ایف ٹی کے ممبران اور پنچایتوں کے جی پی ایس موجود تھے۔
