ممتا بنرجی کی ’سنہتی ریلی‘ میں ہزاروں لوگوں کی شرکت، وزیر اعلیٰ نے راستے میں پڑنے والی مساجد کا بھی کیا دورہ

ایودھیا میں ’پران پرتشٹھا‘ پوری طرح سے سیاسی تقریب ثابت ہوئی، کیونکہ وہاں جمع سبھی افراد یکساں نظریہ کے حامل تھے۔ اس کے برعکس مغربی بنگال کی وزیر اعلیٰ ممتا بنرجی نے کولکاتا میں ’سنہتی ریلی‘ نکالی جس میں مختلف مذاہب اور نظریات کے ماننے والوں کی بڑی تعداد نے شرکت کی۔ ترنمول کانگریس نے پوری ریاست میں مختلف مقامات پر خیر سگالی ریلی نکالی، لیکن اہم ریلی ممتا بنرجی کی قیادت میں نکلی جو کہ ہازرا کراسنگ سے شروع ہوئی اور پارک سرکس پر جا کر ختم ہوئی۔

Faiths may differ, but love unites all! pic.twitter.com/JZhZ7pB1UX

— All India Trinamool Congress (@AITCofficial) January 22, 2024

ممتا بنرجی کی قیادت میں نکلی اس ریلی میں ہزاروں کی بھیڑ دکھائی دی۔ جہاں جہاں سے یہ ریلی گزری، لوگوں کی بڑی تعداد اس کا استقبال کرتی ہوئی بھی دکھائی دی۔ ریلی میں سب سے آگے کی صف میں ممتا بنرجی کے ساتھ ہندو، مسلم، سکھ، عیسائی وغیرہ مذاہب کے پیشوا چلتے ہوئے دکھائی دے رہے تھے۔ خاص بات یہ رہی کہ ممتا بنرجی نے ریلی کے راستے میں پڑنے والی مساجد کے ساتھ ساتھ چرچ، گرودوارہ وغیرہ کا بھی دورہ کیا اور مذہبی بھائی چارہ کی ایک بہترین مثال پیش کی۔

During the Sanhati Rally, Smt. @MamataOfficial made a visit to a church at Park Circus symbolising shared commitment to unity.

Seeking blessings for the journey ahead reflects her profound dedication to embracing diversity.

Here are some heartfelt glimpses pic.twitter.com/4ktST0AFmY

— All India Trinamool Congress (@AITCofficial) January 22, 2024

ریلی کے دوران عوام سے خطاب کرتے ہوئے ممتا بنرجی نے کہا کہ مجھے کوئی فرق نہیں پڑتا کہ کون کس کی پوجا کرتا ہے۔ مجھے ملک میں بڑھ رہی بے روزگاری کو لے کر فکر ہے۔ آخر ملک کا پیسہ کہاں چلا گیا ہے؟ انھوں نے مزید کہا کہ بی جے پی صرف بھگوان رام کی بات کرتی ہے، سیتا کو اس نے فراموش کر دیا ہے۔ کیا بی جے پی خاتون مخالف ہے؟ انھیں سمجھنا چاہیے کہ سیتا کے بغیر رام ادھورے ہیں۔

Smt. @MamataOfficial kickstarted the Sanhati Rally from Hazra Park. As thousands of people join this rally uniting all communities, the message ‘Sarva Dharma Sama Bhava’ resonates across the city!

The secular thread of our nation that binds us all remains stronger than ever! pic.twitter.com/VH76nY9XVy

— All India Trinamool Congress (@AITCofficial) January 22, 2024

ریلی کی شروعات ممتا بنرجی نے کولکاتا کے کالی گھاٹ مندر میں کالی ماں کی پوجا کے ساتھ کی۔ وہ اپنی مشہور نیلے بارڈر والی سفید سوتی ساڑی اور گلے میں شال لپیٹے دکھائی دیں۔ ریلی کے راستے میں وہ کچھ مقامات پر رک کر لوگوں کا شکریہ ادا کرتی ہوئی بھی نظر آئیں۔ ریلی کے دوران انھوں نے کہا کہ ’’میں انتخاب سے قبل مذہب کی سیاست کاری میں یقین نہیں کرتی۔ میں ایسی سوچ کے خلاف ہوں۔ مجھے بھگوان رام کی پوجا کرنے والوں سے کوئی اعتراض نہیں ہے، لیکن کسی کے کھانے اور پہننے کی عادتوں میں مداخلت کرنے پر اعتراض ہے۔‘‘

Before Sanhati Rally uniting all religious communities began, Smt. @MamataOfficial offered prayers to Maa Kali at Kalighat Kali Temple.

May the blessings of the divine Goddess ensure unity and peace across the country against any evil that tries to endanger it. pic.twitter.com/P5Hwme0sTj

— All India Trinamool Congress (@AITCofficial) January 22, 2024

وزیر اعلیٰ ممتا بنرجی نے جنوبی 24 پرگنہ میں عوام سے خطاب کرتے ہوئے بی جے پی کو شدید تنقید کا نشانہ بنایا۔ انھوں نے کہا کہ لوک سبھا سے قبل ایودھیا میں رام مندر کا افتتاح کر کے بی جے پی ووٹ حاصل کرنے کی کوشش کر رہی ہے، لیکن میں ایسے جشن کی حمایت نہیں کرتی جس میں دوسرے طبقات کو شامل نہ کیا جائے۔ وزیر اعلیٰ نے مزید کہا کہ میں ایسے جشن میں بھروسہ کرتی ہوں جو سب کو ساتھ لائے، سب کی بات کرے۔ آپ کو جو کرنا ہے کرو، آپ کو لوک سبھا انتخاب کے پہلے ایسی تکڑم لگانی ہے تو لگاؤ، مجھے کوئی پریشانی نہیں ہے۔ لیکن دوسرے طبقات کے لوگوں کو درکنار کرنا درست نہیں۔ جب تک میں زندہ ہوں ہندو اور مسلمانوں کے درمیان تفریق نہیں ہونے دوں گی۔