میڈرڈ،14 ستمبر (اے یو ایس) اسرائیل-فلسطین تنازع کے دو ریاستی حل کو آگے بڑھانے کیلیے یورپی یونین کے خارجہ امور کی سربراہی میں مسلمان، یورپی ممالک کے وزرا کی ہسپانوی دارالحکومت میڈرڈ میں اہم بیٹھک ہوئی۔ رپورٹ کے مطابق ہسپانوی وزیر اعظم پیڈرو سانچیز نے ایکس اکاؤنٹ پر لکھا ’ہم مل کر ان ٹھوس اقدامات کی نشاندہی کرنا چاہتے ہیں جو ہمیں اس مقصد کی طرف پیشرفت کرنے کے قابل بنائیں گے‘۔ سوشلسٹ وزیر اعظم نے مزید کہا کہ ’عالمی برادری کو مشرق وسطیٰ میں ایک منصفانہ اور دیرپا امن کی جانب فیصلہ کن قدم اٹھانا ہوگا‘۔ہسپانوی وزیر اعظم نے سرکاری رہائش گاہ پر وزارئے خارجہ کے اجلاس سے قبل شرکا کا خیر مقدم کیا، اس اجلاس کی میزبانی ان کے اعلیٰ سفارتکار جوز مانوئل الباریس کر رہے تھے۔اس اجلاس میں فلسطینی وزیر اعظم محمد مصطفیٰ اور سعودی عرب، مصر، قطر اور ترکیہ کے وزرائے خارجہ کی جانب سے شرکت کی گئی، جو کہ غزہ کے لیے عرب اسلامی رابطہ گروپ کے رکن ہیں، اس کے علاوہ عرب لیگ اور اسلامی تعاون تنظیم (او آئی سی) کے سربراہان بھی اجلاس میں موجود تھے۔یورپی یونین کی نمائندگی خارجہ امور کے سربراہ جوزپ بوریل نے کی، آئرلینڈ، ناروے، سلووینیا اور اسپین کے وزرائے خارجہ بھی اجلاس میں شریک تھے۔ہسپانوی اعلیٰ سفارتکار جوز مانوئل الباریس نے پریس کانفرنس کے دوران بتایا کہ دو ریاستی حل کانفاذ ہی خطے میں منصفانہ اور دیرپا امن کو یقینی بنانے کا واحد راستہ ہے جو فلسطین، اسرائیل کی ریاستوں کے درمیان پُر امن اور محفوظ بقائے باہمی کے ذریعے حاصل کیا جا سکتا ہے۔صیہونی ریاست کو مدعو نہ کرنے کے سوال پر جوز مانوئل الباریس نے واضح کیا کہ اسرائیل کو مدعو نہیں کیا گیا تھا کیونکہ وہ ’یورپی گروپ اور عرب اسلامی رابطہ گروپ کا‘ حصہ نہیں ہے، لیکن انہوں نے اس بات پر زور دیا کہ اگر اسرائیل دو ریاستی حل پر بات چیت میں حصہ لے تو انہیں ’بہت خوشی‘ ہوگی۔غزہ پر اسرائیل کے 7 اکتوبر کے بعد حملے کے آغاز کے بعد دو ریاستی حل کے مطالبات میں اضافہ ہوا ہے۔یورپ میں ہسپانوی وزیر اعظم کا شمار ان شخصیات میں ہوتا ہے جو صیہونی ریاست کی غزہ میں اسرائیل کی کارروائی کے سخت ترین ناقد ہیں، وزیر اعظم کی نگرانی میں اسپین نے 28 مئی کو آئرلینڈ اور ناروے کے ساتھ مل کر ایک فلسطینی ریاست کو باضابطہ طور پر تسلیم کیا تھا۔
21
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.
You Might Also Like
لبنان میں حزب اللہ کے ٹھکانوں پر اسرائیل کے شدید فضائی حملے
100 راکٹ لانچروں اور تنصیبات کو نشانہ بنانے کا دعویٰ بیروت، 19 ستمبر (یو این آئی) اسرائیل کی دفاعی فوج...
اسرائیل نے اپنے ہزاروں فوجیوں کو غزہ سے لبنان کی سرحد پر بھیجا
مقبوضہ بیت المقدس،19ستمبر (ہ س )۔ اسرائیل نے اپنے ہزاروں فوجی غزہ سے لبنان کی سرحد پر منتقل کردیے۔اسرائیلی فوج...
اسرائیل کو اسلحے کی مزید سپلائی روکنے کی کوشش
امریکی سینٹربرنی سینڈرز اپنا مسودہ اگلے ہفتے کانگریس میں پیش کریں گے واشنگٹن، 19 ستمبر(یواین آئی) امریکی سینٹربرنی سینڈرز نے...
پیرس میں آئی ایف ٹی ایم ٹاپ ریسا 2024 میں ہندوستان کی شرکت سے اندرون ملک سیاحت کو فروغ ملنے کی امید
پیرس۔18؍ ستمبر۔ ایم این این۔ حکومت ہند کی سیاحت کی وزارت 17 ستمبر سے 19 ستمبر 2024 تک پُروقار سیاحتی...