61views
نئی دہلی، 27 دسمبر (یو این آئی) صدر جمہوریہ ہند دروپدی مرمو نے آج یہاں سابق وزیر اعظم ڈاکٹر منموہن سنگھ کے جسد خاکی پر پھول چڑھا کر انہیں جذباتی خراج عقیدت پیش کیا ڈاکٹر سنگھ کا جمعرات کی رات ایمس میں انتقال ہو گیا تھا ان کا جسد خاکی آخری دیدار کے لیے ان کی رہائش گاہ پر رکھا گیا ہے صدر جمہوریہ ہند کے سکریٹریٹ کے مطابق محترمہ مرمو نے ڈاکٹر سنگھ کی رہائش گاہ پہنچ کر انہیں جذباتی خراج عقیدت پیش کیا۔محترمہ دروپدی مرمو نے سابق وزیر اعظم منموہن سنگھ کی اہلیہ گرشرن کور اور خاندان کے دیگر افراد سے بھی بات چیت کی اور اپنی تعزیت کا اظہار کیا۔ 
