National

صدر جمہوریہ آج انجمن اسلام کے صدر ڈاکٹر ظہیر قاضی کو پدم شری کے اعزازسے نوازیں گی

58views

ممبئی کے مشہور و معروف تعلیمی، سماجی اور ثقافتی ادارہ انجمن اسلام کے صدر ڈاکٹر ظہیر قاضی کو صدر جمہوریہ دروپدی مرمو آج راشٹرپتی بھون میں پدم شری کے اعزازسے نوازیں گی۔ گزشتہ 75 ویں یوم جمہوریہ کے موقع پر پدم اشری کے اعزازکے لیے نامزد کیاتھا۔

آج  رشٹر پتی بھون کے اشو کا ہال میں منعقد ایک پروقار تقریب میں انہیں صدر کے دست مبارک سے اعزاز دیا جائے گا، مہاراشٹر کی 10 اہم شخصیات میں ڈاکٹر ظہیر قاضی بھی شامل ہیں جو کہ 14 برس سے انجمن اسلام کے صدر کی حیثیت سے سرگرم ہیں اور اس دور میں ان کی دور اندیش قیادت کے اثرات نظر آتے ہیں وہ 40 برس سے تعلیم کے شعبے سے وابستہ ہیں، امسال ادارہ انجمن اسلام اپنے قیام کے 150،سال مکمل کر رہا ہے ۔

ممبئی میں مقیم ماہر تعلیم اور ایک مشہور ریڈیولوجسٹ ڈاکٹر ظہیر قاضی پونڈاگوا میں پیدا ہوئے اور پرورش پائی۔ یوم جمہوریہ کے موقع پر حکومت ہند نے ادب اور تعلیم کے زمرے میں چوتھے سب سے بڑے شہری اعزاز پدم شری کے لیے ان کے نام کا اعلان کیا۔ قاضی کے لیے یہ ایوارڈ شاید غیر متوقع تھا، لیکن اس کے اعلان کا وقت دو وجوہات کی بناء پر بالکل درست تھا: یہ ان کی سالگرہ کا موقع تھا اور انجمن اسلام کے 150 سال مکمل ہونے پر بھی منایا جاتا ہے، جو تقریباً 97 اسکول، کالج، ہاسٹل چلاتی ہے۔ ، یتیم خانے، اور مہاراشٹر بھر میں دیگر تعلیمی تنظیمیں، ایک لاکھ سے زیادہ طلباء کی دیکھ بھال کرتاہے، جن میں اکثریت مسلمانوں کی ہے۔قاضی کے مطابق ’’یہ صرف ایک ذاتی ایوارڈ نہیں ہے بلکہ انجمن اسلام کے لیے اجتماعی کاوشوں کا اعتراف ہے، جس سے میں گزشتہ 40 برس سے وابستہ ہوں۔‘‘

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.