National

حکومت نے فحش مواد نشر کرنے والے 18 او ٹی ٹی پلیٹ فارمس کے ساتھ ساتھ 19 ویب سائٹس اور 10 ایپس پر لگائی پابندی

49views

سوشل میڈیا اور او ٹی ٹی پلیٹ فارمس پر فحش مواد لگاتار بڑھتے جا رہے ہیں۔ اس کو پیش نظر رکھتے ہوئے مرکزی حکومت نے ایک بار پھر سخت قدم اٹھایا ہے۔ مرکزی وزارت اطلاعات و نشریات نے فحش مواد نشر کرنے والے 18 او ٹی ٹی پلیٹ فارمس، 19 ویب سائٹس اور 10 ایپس پر پابندی عائد کر دی ہے۔ اس سے قبل بھی مرکزی حکومت نے کئی بار حکومتی ضابطہ کی خلاف ورزی کی صورت میں او ٹی ٹی پلیٹ فارمس، ویب سائٹس اور یوٹیوب چینلز پر پابندی لگا چکی ہے۔

Ministry of I&B blocks 18 OTT platforms for obscene and vulgar content after multiple warnings; 19 websites, 10 apps, 57 social media handles of OTT platforms blocked nationwide, says the government. pic.twitter.com/03ojj3YEiF

— ANI (@ANI) March 14, 2024

تازہ معاملے میں او ٹی ٹی پلیٹ فارمس، ویب سائٹس اور ایپس کے علاوہ 57 سوشل میڈیا ہینڈلس کو بھی بلاک کیا گیا ہے۔ حکومت ہند کے مطابق ان سبھی پلیٹ فارمس نے آئی ٹی ایکٹ کی خلاف ورزی کی ہے۔ علاوہ ازیں یہ آن لائن پلیٹ فارمس انڈین پینل کوڈ کی بھی خلاف ورزی کر رہے تھے۔ حکومت کا یہ بھی ماننا ہے کہ گزشتہ کئی سالوں سے یہ او ٹی ٹی پلیٹ فارمس اور ویب سائٹس خواتین کی شبیہ خراب کرنے والے مواد دکھا رہے تھے۔

گیانیش کمار اور سکھبیر سندھو بنیں گے نئے الیکشن کمشنر، ادھیر رنجن چودھری نے پینل پر اٹھائے سوال

قابل ذکر ہے کہ جو ہینڈل بلاک کیے گئے ہیں یا پھر جن پر پابندی عائد کی گئی ہے، ان میں سے کسی کے ایک کروڑ تو کسی کے لاکھوں میں یوزرس تھے۔ وزارت اطلاعات و نشریات نے ماہرین قانون کے ساتھ ساتھ ایکسپرٹ کمیٹی کے ساتھ صلاح و مشورہ کے بعد ان پلیٹ فارمس پر پابندی عائد کرنے کا فیصلہ لیا۔

Follow us on Google News