National

دنیا کی پہلی ’ویدک گھڑی‘ پر ہوا سائبر حملہ، چند روز پہلے ہی پی ایم مودی نے کیا تھا افتتاح

دنیا کی پہلی ’ویدک گھڑی‘ پر ہوا سائبر حملہ، چند روز پہلے ہی پی ایم مودی نے کیا تھا افتتاح
58views

وزیر اعظم نریندر مودی نے کچھ دنوں قبل ’وکرمادتیہ ویدک گھڑی‘ کا افتتاح کیا تھا، لیکن مدھیہ پردیش کے اجین شہر میں موجود اس گھڑی پر سائبر حملہ ہو گیا ہے۔ یہ ویدک گھڑی ہندوستانی پنچانگ یعنی وقت کو شمار کرنے والے نظام پر مبنی ہے۔ آج یعنی 8 مارچ کو ہی ’وکرمادتیہ ویدک گھڑی‘ نام سے مفت موبائل ایپ لانچ ہونی تھی، لیکن اس سے پہلے ہی اس پر سائبر حملہ ہو گیا۔

میڈیا رپورٹس کے مطابق سائبر حملہ سے وکرمادتیہ ویدک گھڑی کے سروَر کی پروسیس دھیمی ہو رہی ہے اور عام لوگ اس کا استعمال نہیں کر پا رہے ہیں۔ انٹرنیٹ اور جی پی ایس سے جڑا ہونے کے سبب دنیا میں کہیں بھی اس ویدک گھڑی کا استعمال کیا جا سکتا ہے، لیکن سائبر حملہ نے اب کئی طرح کے سوال کھڑے کر دیے ہیں۔ سائبر حملہ کے بعد وکرمادتیہ ریسرچ انسٹی ٹیوٹ کے ڈائریکٹر شری رام تیواری نے بتایا کہ سائبر سیل میں اس سائبر حملہ کی شکایت درج کروا دی گئی ہے اور معاملے کی تحقیقات بھی شروع ہو گئی ہے۔

قابل ذکر ہے کہ وکرمادتیہ ریسرچ انسٹی ٹیوٹ کے مطابق یہ دنیا کی پہلی ایسی گھڑی ہے جو وقت شماری کے ہندوستانی نظام، جو کہ دنیا کا سب سے پرانا، باریک، شفاف، خامیوں سے پاک، مصدقہ اور قابل اعتبار نظام ہے۔ اس سب سے قابل اعتبار نظام کو وکرمادتیہ ویدک گھڑی کی شکل میں اجین میں پھر سے قائم کیا گیا ہے۔ یہ گھڑی دیگر باتوں کے علاوہ سمبت، مہینہ، سیاروں کی حالت، چاند کی حالت، تہوار، مبارک مہورت، سورج گہن، چاند گہن وغیرہ کے بارے میں بھی جانکاری مہیا کرے گی۔ ویدک گھڑی دراصل ہندوستانی وقت شماری کی روایت کو بحال کرنے کی ایک کوشش ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.