انتہائی پسماندہ کمیونٹی کی بیٹی سوہانی کماری کو یووا راشٹریہ جنتا دل نے میٹرک میں 88.6 فیصد نمبر حاصل کرنے پر اعزاز سے نوازا: پردیپ رنجن
27views
پٹنہ 4 اکتوبر 2024(راست)پٹنہ ضلع یووا راشٹریہ جنتا دل کے صدر جناب پردیپ رنجن نے ضلع پٹنہ کے گاؤں بھلوا، اکونہ میں منعقدہ ایک پروقار پروگرام میں بہار میٹرک بورڈ کے امتحان میں 88.6 فیصد نمبر حاصل کرنے پر شری سنتوش ٹھاکر کی بیٹی سوہانی کماری کو اعزاز سے نوازا۔اس موقع پر مسٹر گلاب ٹھاکر، ڈاکٹر گوپال شرما ٹھاکر، مسٹر راجو ٹھاکر، مسٹر ارجن ٹھاکر، مسٹر وریندر شرما، مسٹر انوج کمار، مسٹر دنیش پرتاپ ٹھاکر وغیرہ موجود تھے۔راشٹریہ جنتا دل کے ریاستی ترجمان اعجاز احمد نے یووا راشٹریہ جنتا دل کی جانب سے انتہائی پسماندہ طبقہ کی ایک لڑکی کو اعزاز دینے پر خوشی کا اظہار کیا اور کہا کہ اس سے غریبوں، استحصال زدہ اور محروم لوگوں کے بچوں کو مزید تعلیم حاصل کرنے میں مدد ملے گی۔
