دیوی پور، 7اکتوبر (راست) دیوی پور بلاک کے تحت آنے والے کئی اسکولوں کے نویں جماعت کے بچوں کو ابھی تک سائیکلیں نہیں مل سکی ہیں۔ جس کی وجہ سے نویں جماعت میں پڑھنے والے بچے گھر سے کئی کلومیٹر پیدل چلنے پر مجبور ہیں۔ بچوں نے بتایا کہ دیوی پور بلاک کے علاقے کٹگھری سنکول میں بچوں کو سائیکلیں نہیں ملی ہیں۔جبکہ دوسرے اسکولوں کے بچوں کو سائیکل ملنے کی خبر مل رہی ہے۔اس سلسلے میں بلاک ایجوکیشن پروموشن اتھارٹی سینٹ مرسی ٹوڈو نے بتایا کہ سائیکل کو سیٹ کرنے کا کام جاری ہے، مکمل ہونے کے بعد سب کو سائیکل مل جائے گا۔ اسکول کے اساتذہ نے بتایا کہ محکمہ کے وعدے کے مطابق بچوں کو سائیکلیں نہیں مل پارہی ہیں، سائیکل کو سیٹ کرنے کا کام انتہائی سست رفتاری سے کیا جا رہا ہے۔ ایسے میں متعلقہ بچوں کو سائیکل کا فائدہ بروقت نہیں مل پا رہا ہے ۔محکمہ کو اس جانب توجہ مبذول کرنے کی شدید ضرورت ہے۔
