مچل مارش ایل ایس جی کی جانب سے بطوربلے باز کھیلیں گے

لکھنؤ، 13 مارچ (یو این آئی) آسٹریلیائی ٹی 20 ٹیم کے کپتان مچل مارش انڈین پریمیئر لیگ (آئی پی ایل) 2025 میں لکھنؤ سپر جائنٹس (ایل ایس جی) کے بلے باز کے طور پر کھیلیں گے۔ماہرین کے مشورے سے اس مسئلے سے صحت یاب ہونے کے بعد انہوں نے گزشتہ چند ہفتوں سے بیٹنگ کی پریکٹس شروع کر دی ہے اور انہیں آئی پی ایل میں صرف بلے باز کے طور پر کھیلنے کی اجازت دی گئی ہے۔ مارش کو ایل ایس جی نے گزشتہ سال نیلامی میں 3.40 کروڑ روپے میں خریدا تھا۔ مارش کے 18 مارچ کو ایل ایس جی اسکواڈ میں شامل ہونے کی امید ہے۔مچل مارش گزشتہ سال ستمبر میں دورہ انگلینڈ کے بعد سے ڈسک کے مسئلے میں مبتلا رہے ہیں۔ وہ سری لنکا کے خلاف ون ڈے سیریز اور چیمپئنز ٹرافی سے باہر ہو گئے تھے۔ انہوں نے فروری کے شروع میں ماہر کے مشورے پر اس مسئلے سے صحت یاب ہونے کے لیے آرام کرنے کا فیصلہ کیا۔ اس کے بعد انہوں نے بیٹنگ پریکٹس شروع کی۔