National

سی اے اے کے نفاذ پر غلط فہیموں اور گمراہ کن پروپیگنڈوں پر پولیس کی نظر

67views

سی اے اے شہریت سے محرومی کا نہیں بلکہ شہریت کی حصولیابی کا قانون ہے اور اس سے کسی بھی ہندوستانی کی شہریت متاثر نہیں ہوگی۔ہندوستانی مسلمان شہریت قانون کو لے کر بہت فکر مند ہیں ، اس کو لے کر ان میں طرح طرح کی غلط فہمیاں ہیں۔ واضح رہے پولیس سی اے اے کے نفاذ پر غلط فہیموں اور گمراہ کن پروپیگنڈوں پرنظررکھے ہوئے ہے۔

اس سلسلہ میں ممبئی پولیس کمشنر وویک پھنسلکر نے کہا کہ سی اے اے کے نفاذ پر غلط فہیموں اور گمراہ کن پروپیگنڈوں پرپولیس نظر رکھ رہی ہے اور سوشل میڈیا پر بھی نظر رکھی جارہی ہے۔

انہوں نے کہا کہ سی اے اے شہریت سے محرومی کا نہیں بلکہ شہریت کی حصولیابی کا قانون ہے اور اس سے کسی بھی ہندوستانی کی شہریت متاثر نہیں ہوگی اس لئے گمراہ کن پروپیگنڈوں پر توجہ دینے کے بجائے شہریوں کو محتاط رہنے کی ضرورت ہے ۔

انہوں نے کہا کہ مرکزی اور ریاستی سرکار کے معرفت میں شہریوں کو یقین دلانا چاہتا ہوں کہ کسی کو سی اے اے کے نفاذ پر مضطرب ہونے کی ضرورت نہیں ہے۔ممبئی پولیس الرٹ ہے اور اپنے طور پر حالات پر نظر رکھ رہی ہے کسی کو بھی فکرمند ہونے کی ضرورت نہیں ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.