150views
کولکاتا، 28 اکتوبر: درگا پوجا کیختم ہونے کے بعد میٹروپولیٹن شہر کولکاتا سمیت ریاست کے دیگر حصوں میں موسم سرد ہونا شروع ہو گیا ہے۔ ہفتہ کو محکمہ موسمیات کی طرف سے جاری ایک بیان میں کہا گیا ہے کہ کولکاتا میں کم سے کم درجہ حرارت 23.4 ڈگری سیلسیس درج کیا گیا جو کہ معمول سے کم ہے۔ اس کی وجہ سے رات کو ہلکی سردی پڑ رہی ہے۔ زیادہ سے زیادہ درجہ حرارت بھی محض 30.1 ڈگری سیلسیس ریکارڈ کیا گیا ہے۔ کولکاتا کے علاوہ ہاوڑہ، ہوگلی، شمالی اور جنوبی 24 پرگنہ، مشرقی اور مغربی مدنا پور، پورولیا، بانکوڑا، بردوان اور مرشد آباد اضلاع میں بھی درجہ حرارت میں کمی ریکارڈ کی گئی ہے۔ فی الحال ریاست میں بارش کا کوئی امکان نہیں ہے۔ شمالی بنگال کے علی پور دوار، کوچ بہار، جلپائی گوڑی، دارجلنگ اور کلمپونگ میں بارش نہیں ہوئی ہے۔
